سلی گوڑی/رائے گنج، 29 اکتوبر: بنگلہ دیش میں جماعت اسلامی کے ارکان کے مبینہ حملوں اور ظلم و ستم سے بچ کر ہندوستان میں پناہ لینے والے بنگلہ دیشی ہندو¶ں کو جلد از جلد اصلاحی مراکز (جیلوں) سے رہا کیا جائے گا۔ مغربی بنگال کے وزیر اعلیٰ شوبھیندو ادھیکاری نے جمعرات کو رائے گنج میں منعقدہ ایک عوامی جلسے سے خطاب کرتے ہوئے یہ اعلان کیا۔
عوامی جلسے سے خطاب کرتے ہوئے وزیر اعلیٰ ادھیکاری نے کہا کہ ان ہندو¶ں نے اپنی جان اور مذہب کی حفاظت کے لیے ہندوستان میں پناہ مانگی تھی، اس لیے انہیں سلاخوں کے پیچھے نہیں رکھا جانا چاہیے ۔ انہوں نے اتر دیناج پور ضلع کے اصلاحی مراکز سے ان کی رہائی یقینی بنانے کے لیے فوری اقدامات کرنے کی اپیل کی۔
وزیر اعلیٰ نے اسٹیج پر موجود ریاست کے وزیر قانون وراج بسواس کو ضروری قانونی کارروائی شروع کرنے کی ذمہ داری سونپی اور انتظامیہ سے اس معاملے کی بغیر کسی تاخیر کے جانچ کرنے کی اپیل کی۔ انہوں نے کہا کہ وزیر قانون ان بنگلہ دیشی ہندو¶ں کی رہائی میں سہولت فراہم کرنے کے لیے تمام قانونی اقدامات کریں گے ۔
شہریت کے معاملے پر بات کرتے ہوئے وزیر اعلیٰ نے کہا کہ شہریت ترمیمی قانون (سی اے اے ) کے تحت اہل پناہ گزینوں کو ہندوستانی شہریت دی جائے گی۔ انہوں نے بتایا کہ تقریباً 9000 درخواستیں موصول ہوئی ہیں اور امید ظاہر کی کہ شہریت دینے کا یہ عمل 30 نومبر تک مکمل کر لیا جائے گا۔