ایران 37 برس میں پہلی بار جوہری پروگرام چھوڑنے کیلئے تیار ہوا، امریکا

امریکی وزیر خزانہ اسکاٹ بیسنٹ نے دعویٰ کیا ہے کہ ایران 37 برس میں پہلی بار جوہری پروگرام چھوڑنے کیلئے تیار ہوا۔ فاکس نیوز سے گفتگو میں امریکی وزیرخزانہ نے کہا کہ ایران پر معاشی پابندیاں اور اس کےتیل کی برآمدات روکنے کا سلسلہ جاری ہے ایرانی بندرگاہوں کی ناکہ بندی اس پر دباؤ بڑھانے کی مہم کابنیادی حصہ ہے۔ انہوں نے دعویٰ کیا کہ کہ ایران 37 برس میں پہلی بار جوہری پروگرام چھوڑنے کیلئے تیار ہوا ایسامعاہدہ قبول نہیں ہو گا جو ایران کو جوہری ہتھیار کےحصول سے روکنے کی ضمانت نہ دے۔ اسکاٹ بیسنٹ کا کہنا تھا کہ آبنائے ہرمز کھولنا اور ایران کا جوہری ذخیرہ ضبط کرنا ہمارے اہداف میں شامل ہیں ٹول ٹیکس کے بغیر آبنائےہرمز میں جہازرانی کی بحالی ہی ایران کی سنجیدگی کا اشارہ ہو گا۔ ٹرمپ امریکی صدر ڈونلڈ ٹرمپ نے کہا ہے کہ ایران سے ڈیل کے قریب ہیں مگر جلد بازی نہیں کریں گے، اچھی ڈیل نہ ہوئی تو دوبارہ فوجی آپریشن کریں گے، ڈیل پر دستخط ہوتے ہی آبنائے ہرمز کھول دی جائے گی۔ فاکس نیوز پر اپنی بہو لارا ٹرمپ کو انٹرویو دیتے ہوئے صدر ڈونلڈ ٹرمپ نے کہا کہ ایران نے یقین دہانی کرائی ہے کہ وہ ایٹمی ہتھیار نہیں خریدے گا، بلکہ کسی بھی طریقےسے انھیں حاصل نہ کرنے پر رضا مند ہو گیا ہے، یہ تبدیلی مذاکرات کی ایک بڑی کامیابی ہے۔ انھوں نے مزید کہا کہ ایران نے یو اے ای، کویت، بحرین اور سعودی عرب پر حملے کیے، ایران اس وقت بہت بری حالت میں ہے، ہم جو چاہتے ہیں وہ ایران سے حاصل کر رہے ہیں۔

Source: Social media