کلکتہ 4اپریل:) آر جی کار تحریک میں اہم چہرہ رہے دیباشیس ہلدار نے جمعرات کو سپریم کورٹ کے تقریباً 26,000 اساتذہ کی نوکریوں کو منسوخ کرنے کے فیصلے پر حکمراں ترنمول کانگریس پر طنز کرتے ہوئے لکھا ہے کہ یہ بے بسی، لوگوں کے رونا نظرنہیں آرہا ہے واٹس ایپ اسٹیٹس پر دیباشیس کے لکھنے سے صاف ظاہر ہوتا ہے کہ آر جی کار تحریک کی آگ تقریباً بجھ چکی ہے تو وہ اساتذہ کی نوکری ختم ہونے کے بعد وہ ترنمول کانگریس کے خلاف نئی تحریک کو بھڑکانا چاہتے ہیں۔ جیسا کہ اپوزیشن بی جے پی، سی پی ایم، کانگریس لیڈروں کے بیانات اور تبصروں سے ظاہر ہوتا ہے۔ یہ درست ہے کہ آر جی کار تحریک کے دوران بھڑکنے والا غصہ ٹھنڈا ہو گیا ہے لیکن یہ آگ اب بھی اندر ہی اندر جل رہی ہے۔ کسی بھی صورت میں اپوزیشن اسے ایندھن دینا چاہتی ہے۔ بنگال میں سول سوسائٹی تحریکوں کی تاریخ میں آر جی کار تحریک ایک ”سنگ میل“ہے۔ جس نے عام شہریوں کو خود بخود سڑکوں پر آنے پر مجبور کردیا۔ اس میں کوئی اختلاف نہیں ہے کہ سیاسی جماعتوں کے بغیر سول سوسائٹی کی تحریک اور اس میں خواتین کی بڑی موجودگی نے ممتا بنرجی کو اپنے 14 سالہ دور حکومت میں سب سے مشکل امتحان کا سامنا کرنا پڑا۔ لیکن ملازمت کی منسوخی کے حوالے سے اب تک کوئی سول سوسائٹی کی تحریک شروع نہیں ہوئی ہے۔ اگر تقرری گھوٹالہ کے خلاف سول سوسائٹی کی تحریک شروع ہوتی ہے تو آر جی کار واقعے سے بڑی تحریک ہونے کا امکان بن گیا ہے۔ جمعرات کو فیصلہ سنائے جانے کے فوراً بعد حکمراں ترنمول کانگریس کے اندر دو رائے سامنے آئی ہیں۔ بیان کے ایک حصے میں کہا گیا ہے کہ اس فیصلے سے عوام کے ذہنوں میں مجموعی طور پر حکومت کے بارے میں بدعنوانی کے تاثر کو تقویت ملے گی۔دوسرے گروپ کا کہنا ہے کہ سپریم کورٹ کے فیصلے کے بعد دوبارہ تقرری کی گنجائش ہے۔ اہل افراد کو تعینات کیا جائے تو رائے عامہ پر کوئی اثر نہیں پڑے گا۔ انتخابی سیاست میں تاثر بنانے کے امکانات اتنے قوی نہیں ہیں۔ کیونکہ ووٹنگ میں ابھی ایک سال باقی ہے۔ فیصلہ آنے کے بعد ممتا بنرجی نے اس پورے صورت حال کیلئے بی جے پی اور سی پی آئی ایم کو ذمہ دار ٹھہرایا۔انہوں نے صاف کہا کہ وہ بے روزگار کئے گئے اساتذہ کے ساتھ ہیں۔ممتا بنرجی کے اس اعلان کے بعد سیاسی تجزیہ نگاروں کا کہنا ہے کہ ممتا ایک نئی تحریک کی چنگاری کو بننے سے پہلے ہی بجھانے میں کامیاب ہو گئی ہیں۔ ممتا بنرجی کے قریبی حلقے کے مطابق آر جی کارتحریک پر بنگلہ دیش کی سول تحریک کا اثر تھا۔ اس معاملے میں 'ایندھن' نام کی کوئی چیز نہیں ہے۔ تاہم عدالت پر الزام لگاتے ہوئے انہوں نے سوال اٹھایا کہ 'رشوت کس نے دی، کس نے رشوت لی، عدالت پتہ نہیں لگا سکی'۔ کیا یہ بڑے سروں کو چھپانے کا انتظام نہیں؟“۔ سپریم کورٹ کے فیصلے کے بعد بی جے پی اور سی پی آئی ایم بے ضابطگیوں اور بدعنوانی کے حوالے سے ترنمول کانگریس اور ممتا بنرجی کے خلاف مہم شروع کردی ہے۔ممتا بنرجی ویاپم گھوٹالہ کا حوالہ دیتے ہوئے کہا کہ ویاپم گھوٹالہ مدھیہ پردیش میں بی جے پی کے دور حکومت میں ہوا تھا۔ 50 سے زائد افراد کو خودکشی کرنی پڑی۔ اگر ایسا ہے تو سو کانت مجمداراور شیامک بھٹاچاریہ اتنی باتیں کیوں کر رہے ہیں؟۔۔یواین آئی۔نور

Source: uni news