حیدرآباد، 13 دسمبر : تلنگانہ ہائی کورٹ نے پشپا-2 کے پریمیئر کے دوران بھگدڑ کے میں خاتون کی موت کے معاملے میں اسٹار اداکار اللو ارجن کو ضمانت دے دی۔ اس سے قبل حیدرآباد کی عدالت نے انہیں 14 دن کی عدالتی حراست میں بھیج دیا تھا۔ اداکار کو جمعہ کی صبح 12 بجے ان کے گھر سے گرفتار کیا گیا۔ اس کے بعد 4 بجے انہیں مقامی عدالت میں پیش کیا گیا، جہاں سے انہیں عدالتی تحویل میں بھیج دیا گیا۔ اس کے بعد اداکار نے ہائی کورٹ میں اپیل کی۔ ہائی کورٹ نے پانچ بجے ضمانت منظور کی۔ اللو پر الزام ہے کہ وہ 4 دسمبر کو حیدرآباد کے سندھیا تھیٹر میں بغیر اطلاع دیے پہنچے تھے۔ اس کی وجہ سے وہاں بھیڑ جمع ہو گئی اور بھگدڑ مچ گئی۔ کئی لوگ زخمی ہوئے۔ ہائی کورٹ میں اللو کے وکیل نے دفاع میں شاہ رخ کی فلم رئیس کیس کا ذکر کیا۔ انہوں نے کہا، 'گجرات میں ایک پروموشن کے دوران، شاہ رخ خان نے بھیڑ پر ٹی شرٹس پھینک دی تھیں۔ اس کے بعد بھگدڑ مچ گئی۔ اس معاملے میں اداکار پر مجرمانہ قتل کا الزام لگایا گیا تھا۔ وکیل نے کہا کہ گجرات ہائی کورٹ اور سپریم کورٹ نے شاہ رخ کو راحت دی تھی ۔ ذرائع کے مطابق اللو ارجن نے اپنی گرفتاری کے انداز پر اعتراض کیا ہے۔ اداکار نے دعویٰ کیا ہے کہ پولیس نے انہیں ناشتہ ختم کرنے کی اجازت بھی نہیں دی۔ کپڑے بدلنے کی بھی اجازت نہیں۔ متوفی ریوتی کے شوہر بھاسکر نے کہا کہ انہیں اللو ارجن کی گرفتاری کے بارے میں کوئی اطلاع نہیں ہے۔ میں کیس واپس لینا چاہتا ہوں۔ اللو کی بھگدڑ کی براہ راست کوئی ذمہ داری نہیں ہے۔ وہ اپنی بیوی اور بچوں کو لے کر پریمیئر شو دیکھنے گیا تھا۔ اچانک لوگ اللو ارجن کو دیکھنے کے لیے آگے بڑھے۔ ادکار کا اس واقعے سے کوئی تعلق نہیں۔

Source: uni news