پھر کم دباو کا خطرہ! اس ہفتے بھی بارش کا امکان، پوجا کی خریداری ہوگی متاثر؟
پوجا میں اب صرف چند دن باقی ہیں۔ ظاہر ہے، سبھی لوگ زوروشور سے خریداری کر رہے ہیں۔ کچھ لوگوں نے اکتوبر شروع ہوتے ہی خریداری شروع کرنے کا منصوبہ بنایا ہے۔ لیکن سوال صرف ایک ہے، کہیں بارش رکاوٹ تو نہیں بنے گی؟ محکمہ موسمیات ریاست کے لوگوں کے لیے کوئی اچھی خبر نہیں دے سکا۔ وجہ ہے کم دباو¿ کا علاقہ۔ کل یعنی جمعرات سے ریاست میں ایک بار پھر بارش میں اضافہ ہوگا۔ سمندر بھی بے حد خراب ہوسکتا ہے۔ اسی وجہ سے ماہی گیروں کے گہرے سمندر میں جانے پر پابندی عائد کردی گئی ہے۔
معلوم ہوا ہے کہ گہرا کم دباو¿ میانمار کے ساحل اور اس سے متصل جنوب مشرقی بنگلہ دیش اور شمال مشرقی خلیج بنگال کے اوپر ایک واضح کم دباو والے علاقے میں تبدیل ہوگیا ہے۔ یہ شمال-شمال مغربی سمت میں جنوب مشرقی بنگلہ دیش اور میانمار، میزورم، تریپورہ اور شمال مشرقی خلیج بنگال سے متصل علاقوں کی طرف بڑھتا رہے گا اور آئندہ 24 گھنٹوں کے دوران بتدریج کمزور ہوجائے گا۔
اس کے اثر سے جمعرات اور جمعہ کو ساحلی علاقوں کے قریب واقع اضلاع میں بارش کے امکانات کچھ بڑھ جائیں گے۔ اگرچہ کئی اضلاع میں ہلکی بارش کا امکان ہے۔ ہفتہ سے پیر تک بارش کے امکانات بڑھنے کے ساتھ ہی آبی بخارات کی وجہ سے حبس اور گرمی کی کیفیت بھی برقرار رہے گی۔ تاہم درجہ حرارت میں کسی بڑی تبدیلی کا امکان نہیں ہے۔
محکمہ موسمیات کے مطابق، آج سے شمالی بنگال کے بالائی اضلاع میں کہیں کہیں ہلکی بارش ہوسکتی ہے۔ جمعرات سے اتوار تک پانچ اضلاع میں وقفے وقفے سے بارش ہوگی۔ پیر سے شمالی بنگال میں بارش میں کمی آئے گی۔
واضح رہے کہ بنگلہ دیش اور میانمار کے ساحلی علاقوں میں سمندر میں طغیانی برقرار رہے گی۔ شمال مشرقی اور مشرقی وسطی خلیج بنگال میں ہوا کی رفتار 45 سے 65 کلومیٹر فی گھنٹہ تک پہنچ سکتی ہے۔ ساحلی علاقوں میں ماہی گیروں کے لیے کوئی انتباہ جاری نہیں کیا گیا ہے۔ تاہم آج، بدھ کو ماہی گیروں کو شمال مشرقی خلیج بنگال اور مشرقی وسطی خلیج بنگال کے گہرے سمندر میں جانے سے منع کیا گیا ہے۔