امریکی نائب صدر جے ڈی وینس نے اعلان کیا ہے کہ سوئٹزرلینڈ میں امریکہ اور ایران کے درمیان ہونے والے مذاکرات کے پہلے دور نے مشرقِ وسطیٰ میں جاری جنگ کے خاتمے اور ایک حتمی معاہدے تک پہنچنے کے لیے ایک ’بہترین بنیاد‘ فراہم کر دی ہے۔ خبر رساں ادارے اے ایف پی کے مطابق وسطی سوئٹزرلینڈ کے پرفضاء ریزورٹ ’برگن اسٹاک‘ میں اتوار سے شروع ہونے والے اور رات گئے تک جاری رہنے والے طویل مذاکرات کے بعد پیر کو صحافیوں سے گفتگو کرتے ہوئے جے ڈی وینس کا کہنا تھا ’ہم نے ایک کامیاب حتمی معاہدے کے لیے بہت مضبوط بنیاد رکھ دی ہے۔‘ انہوں نے سفارتی عمل کو ایک استعارے کے ذریعے سمجھاتے ہوئے کہا ’حتمی معاہدہ ایک مکمل مکان کی مانند ہے۔ ابھی ہم نے صرف اس مکان کی بنیاد رکھی ہے، پورا مکان تعمیر نہیں کیا لیکن ہم نے ایک ایسی کامیاب بنیاد ضرور رکھ دی ہے جو امریکی عوام کے لیے ایک بہترین نتیجے کا پیش خیمہ ثابت ہوگی۔‘ امریکی نائب صدر نے اس پیش رفت کو سراہتے ہوئے واضح کیا کہ ابھی سفارتی محاذ پر طویل سفر باقی ہے۔ ان کا کہنا تھا کہ ’ہم سب کے لیے یہ سمجھنا ضروری ہے کہ اب تک کتنا بڑا کام انجام دیا جا چکا ہے لیکن ایمانداری کی بات یہ ہے کہ اب بھی بہت کچھ کرنا باقی ہے۔‘ ان کے مطابق دونوں ممالک کو جوہری اور اقتصادی امور پر جاری مذاکرات میں مزید پیش رفت کرنی ہے جبکہ آبنائے ہرمز کو مائنز (بارودی مواد) سے پاک کرنے اور وہاں بحری ٹریفک کی روانی کو پہلے کی طرح بحال رکھنے کے لیے مسلسل کام کرنے کی ضرورت ہے۔ جے ڈی وینس نے پرامید لہجے میں کہا کہ ’بہت زیادہ پیش رفت ہو چکی ہے لیکن کچھ کام اب بھی باقی ہے اور ہم اس کام کو مکمل کرنے کے لیے پوری طرح پرعزم ہیں۔‘ انہوں نے زور دے کر کہا کہ تزویراتی لحاظ سے اہم ترین بحری گزرگاہ ’آبنائے ہرمز‘ اب کھل چکی ہے اور وہاں سے خام تیل اور قدرتی گیس کے لاکھوں بیرل گزر رہے ہیں جو اس سے پہلے (جنگ کی وجہ سے) رکے ہوئے تھے۔ پریس کانفرنس کے اختتام پر امریکی نائب صدر نے بتایا کہ وہ اب امریکہ واپس روانہ ہو رہے ہیں تاہم انہوں نے واضح کیا کہ برگن اسٹاک میں دونوں ممالک کے وفود کے درمیان ’تکنیکی سطح پر‘ بات چیت کا سلسلہ آئندہ آنے والے دنوں اور ہفتوں تک بدستور جاری رہے گا۔
Source: social media
آج شب چاند عین خانہ کعبہ کے اوپر ہوگا
امریکی صدر ٹرمپ کا چینی صدر کو طنز بھرا پیغام
اسرائیلی وزیر اعظم نیتن یاہو نے ویڈیو جاری کر کے اپنی موت کی افواہوں کی تردید کر دی
آبنائے ہرمز کھلوانے کے لیے ٹرمپ کی اپیل پر دنیا خاموش
برطانیہ نے قطر، قبرص میں ٹائفون، ایف 35 طیارے تعینات کردیے
ایرانی بحریہ ختم ہو چکی تو ٹرمپ خلیج فارس میں امریکی بحریہ بھیج دیں، ترجمان پاسداران
برطانیہ نے قطر، قبرص میں ٹائفون، ایف 35 طیارے تعینات کردیے
ایرانی بحریہ ختم ہو چکی تو ٹرمپ خلیج فارس میں امریکی بحریہ بھیج دیں، ترجمان پاسداران
امریکی حملے کے بعد ایران کے جزیرے خارگ سے بدستور ٹینکرز پر تیل لوڈ کیا جا رہا ہے، رپورٹ
روضہ رسولﷺپر رش کی صورت حال ’’ الیکٹرانک ‘‘ طریقے سے دیکھنے کی سہولت شروع