Kolkata

پانسکوڑہ بلڈ بینک سے خون کی اسمگلنگ کا الزام، دلال گرفتار

18/08/26

پانسکوڑہ بلڈ بینک سے خون کی اسمگلنگ کا الزام، دلال گرفتار
خون کی بلیک مارکیٹنگ! مشرقی مدناپور کے پانشک±را بلڈ بینک سے غیر قانونی طور پر خون کی اسمگلنگ کا الزام۔ واقعے میں ملوث دلال کو ریاستی پولیس کی انسداد بدعنوانی شاخ (ایس بی) نے گرفتار کر لیا۔
حال ہی میں خفیہ ذرائع سے ایس بی کی انٹیلیجنس کو اطلاع ملی کہ بھاری رقم کے عوض پانشک±را کے بلڈ بینک سے باہر خون اسمگل کیا جا رہا ہے۔ اس کے پیچھے ایک بڑا گروہ ہے۔ اس کے بعد ایس بی کے جاسوسوں نے کارروائی کی۔ معلوم ہوا ہے کہ شناخت چھپا کر مریضوں کے رشتہ داروں کے ساتھ گھل مل کر تفتیش کاروں نے اس بلڈ بینک میں چھاپہ مارا۔ شاہ ب±دّین ملک نامی ایک دلال نے انہیں بتایا کہ زیادہ رقم دے تو وہ خون مہیا کر سکتا ہے۔ اس کے مطابق اسے چند ہزار روپے دیئے گئے۔ لیکن اس رقم پر خاص پاو¿ڈر لگا ہوا تھا۔ شاہ ب±دّین کے ہاتھوں پر لگے پاو¿ڈر کے ذریعے ہی جاسوسوں نے اسے پکڑ لیا۔ تفتیش کاروں کا دعویٰ ہے کہ پوچھ گچھ کے دوران شاہ ب±دّین نے جرم قبول کر لیا۔ اس نے بتایا کہ پورے گروہ میں بلڈ بینک کا ایک ملازم بھی ملوث ہے۔ مریضوں کے رشتہ داروں سے جو رقم لی جاتی ہے، اس کا بڑا حصہ اسی ملازم کو دینا پڑتا ہے۔ باقی وہ خود رکھ لیتا ہے۔ فی الحال شاہ ب±دّین سے پوچھ گچھ کر کے اس ملازم کی شناخت جاننے کی کوشش کی جا رہی ہے۔

Source: Admin