فٹ بال سٹار کائل واکر کی اہلیہ نے اپنی شادی کو بچانے کے لیے اس وقت 15 ملین پاؤنڈ نقد رقم کا مطالبہ کردیا جب مانچسٹر سٹی سٹار نے گزشتہ ادوار میں ان کے ساتھ دھوکہ دہی کی۔ 31 سال کی اینی کِلنر جو چار بچوں کی ماں ہےنے اپنے رشتے کو ٹھیک کرنے کے لیے انگلش پروفیشنل انٹرنیشنل فٹ بال پلیر کی نصف دولت 27 ملین پاؤنڈ کے حصول کی خواہش کی ہے۔ کایل کے اپنی دوست لارین گڈمین سے بھی دو بچے ہیں۔ برطانوی اخبار "ڈیلی میل" کے مطابق اینی نے کسی بھی تقسیم سے پہلے ابتدائی قانونی مشورہ حاصل کیا جس سے اسے رائٹ بیک کی مجموعی مالیت کا نصف حصہ ملے گا۔ 34 سالہ کائل واکر جو ایک ہفتے میں ایک لاکھ 50 ہزار پاؤنڈ کماتے ہیں نے ہفتے کے آخر میں انگلش پریمیئر لیگ میں نیو کیسل کے ساتھ اپنی ٹیم کے لیے میچ کھیلا جو ا 1-1 سے ڈرا ہوا۔ لیکن میدان سے باہر ان کی ذاتی زندگی کے حوالے سے مسلسل خبریں سامنے آتی رہتی ہیں۔ کہا جاتا ہے کہ حال ہی میں اینی کی بہن سیان کے ایک شادی شدہ شخص کے ساتھ افیئر کے بعد ایک بیٹے کو جنم دینے کے بعد تناؤ میں اضافہ ہوا ہے۔ یہ اس مشکل صورتحال کی عکاسی کرتا ہے جس کا سامنا واکر کو لارین کے ساتھ کرنا پڑ رہا تھا۔ لارین نے کائل واکر کے دو بچے اس وقت پیدا کیے ہیں جب وہ اینی سے بھی منسلک تھا۔ دی سن کے مطابق کائل اور اینی حال ہی میں کافی الجھتے رہے ہیں۔ اینی نے اسے بتایا کہ وہ اپنے تعلقات کو ٹھیک کرنے پر غور نہیں کرے گی جب تک کہ وہ اسے پہلے اپنی آدھی رقم نہ دے دے۔ اسے بتایا گیا کہ اگر وہ الگ ہو جاتے ہیں تو وہ اس کے آدھے اثاثوں کی مستحق ہے۔ اینی نہیں چاہتی تھی کہ اس کا کوئی حصہ لارین کے پاس جائے۔ 33 سال کی لارین اس وقت حاملہ ہوگئیں جب واکر کا اینی کے ساتھ 2019 میں جھگڑا ہوا اور 2020 میں ان کا بیٹا قاہرہ پیدا ہوا۔ پھر واکر اور اینی نے اپنے تعلقات کی تجدید کی اور 2021 میں شادی کی لیکن ایک سال بعد مانچسٹر سٹی کے کھلاڑی نے پھر لارین سے رابطہ کیا اور اگست 2023 میں ان کا دوسرا بچہ یعنی بیٹی کنارا پیدا ہوئی۔ اینی کو گزشتہ دسمبر میں لارین کے ایک ٹیکسٹ میسج کے ذریعے اس کا معلوم ہوا تھا ۔ اس وقت اینی اپنے چوتھے بچے کے ساتھ حاملہ تھی۔ وہ صدمے کی حالت میں چلی گئی اور دو ہفتے بعد اس نے علیحدگی کا اعلان کردیا۔ کائل واکر نے اینی کے ساتھ دھوکہ دہی پر اپنے پچھتاوے کا اظہار کیا اور پچھلے بیانات میں کہا کہ مجھے افسوس ہے کہ میں نے لارین کے ساتھ تعلقات استوار کیے اور اینی کو چوٹ پہنچانا میرے لیے خوفناک ہے۔ جون اور جولائی میں اینی نے اپنے بچوں کے ساتھ 2024 یورپی کپ میں شرکت کے لیے جرمنی کا سفر کیا اور یہ جوڑا مختلف تصاویر میں نظر آیا۔ سپین سے انگلینڈ کی فائنل میں شکست کے 48 گھنٹے سے بھی کم وقت کے بعد کائل لارین کے ساتھ مالی تصفیہ کرنے کے لیے عدالت گئے تھے۔

Source: social media