عجیب سلوک: ریئل میڈرڈ کی ٹیم اپنے سٹار مباپے کو سٹیڈیم میں اکیلا چھوڑ کر چلی گئی

ریئل میڈرڈ نے اپنے فرانسیسی سٹار کیلین مباپے کو نیو جرسی کے میٹ لائف سٹیڈیم میں اکیلا چھوڑ دیا ۔ ٹیم کے کھلاڑی امریکہ میں منعقد ہونے والے کلب ورلڈ کپ کے کوارٹر فائنل میں ہفتہ کو بوروسیا ڈورٹمنڈ کو شکست دینے کے بعد ہوائی اڈے کی طرف روانہ ہوگئے۔ مباپے نے کلب ورلڈ کپ میں اپنا پہلا گول ڈورٹمنڈ کے خلاف کیا، میچ کو ہسپانوی جائنٹس دو کے مقابلے میں تین گول کرکے جیت لیا۔ ہسپانوی اخبار مارکا کے کیمروں نے ریئل میڈرڈ کی کی اس بس کی ویڈیو بنا لی جو مباپے کے بغیر ویسٹ پام بیچ، میامی جانے کے لیے ہوائی اڈے کے لیے روانہ ہوگئی۔ مباپے کو ڈوپنگ ٹیسٹ کی وجہ سے میدان میں تنہا رہنے پر مجبور کیا گیا تھا۔ بڑے پیمانے پر پڑھے جانے والے اخبار کے مطابق مباپے جو حال ہی میں معدے اور آنتوں کی حالت سے صحت یاب ہوئے تھے، زیادہ درجہ حرارت کی وجہ سے پانی کی کمی کا شکار ہوگئے جس کی وجہ سے انہیں اپنا نمونہ جمع کرانے کے لیے ایک گھنٹے سے زیادہ انتظار کرنا پڑا۔ اخبار نے مزید بتایا کہ فٹ بال کلب ریئل میڈرڈ کی بس کے ایئرپورٹ کے لیے روانہ ہونے کے 58 منٹ مباپے سٹیڈیم سے نکل گیا۔ وہ ہوائی اڈے پر بقیہ وفد میں شامل ہونے کے لیے کلب کے ایک اہلکار اور پانچ پولیس کاروں کے ساتھ کالے رنگ کی کار میں سوار ہوا۔ کائیلین مباپے نے جووینٹس کے خلاف راؤنڈ آف 16 میچز اور ڈورٹمنڈ کے خلاف کوارٹر فائنل میچوں میں متبادل کے طور پر آنے سے پہلے ٹورنامنٹ میں ریال میڈرڈ کے پہلے تین میچز نہیں کھیلے تھے۔

Source: social media