یوسنلیس کو شکست دے کر ونیش پھوگٹ خواتین کی کشتی کے فائنل میں داخل

پیرس، 6 اگست: ہندستانی خاتون پہلوان ونیش پھوگٹ نے منگل کے روز پیرس اولمپکس میں خواتین کے 50 کلوگرام فری اسٹائل مقابلے میں شاندار کارکردگی کا مظاہرہ کرتے ہوئے کیوبا کی یوسنیلیس گزمین لوپیز کو 5-0 سے شکست دے کر فائنل میں جگہ بنائی۔ اس جیت کے ساتھ ہی ونیش پھوگٹ اولمپک فائنل میں جگہ بنانے والی پہلی ہندستانی خاتون ریسلر بن گئیں۔ 29 سالہ ونیش پھوگٹ نے پیرس اولمپکس میں تمغہ پانے کا یقین ہے۔ سمر اولمپکس میں یہ ان کا پہلا تمغہ ہوگا۔ سیمی فائنل میں، ونیش نے پہلے پیریڈ میں پیسیویٹی کے ذریعے 1-0 کی برتری حاصل کی۔ وہ دوسرے پیریڈ میں زیادہ جارحانہ نظر آئیں اور میچ جیت کر اپنی برتری کو 5-0 کر دیا۔ اس سے قبل ونیش پھوگٹ نے کوارٹر فائنل میچ میں یوکرین کی اوکسانا لیواچ کو 7-5 سے شکست دی تھی۔ پھوگٹ نے میچ کے پہلے دور میں 2-0 کی برتری حاصل کی۔ لیواچ نے دوسرے دور میں زبردست واپسی کی لیکن پھوگٹ نے اپنے چیلنج کو برقرار رکھا اور یوکرینی پہلوان کو شکست دی۔

Source: uni news