ابھیشیک کے قریبی ساتھی کے بینک اکاونٹ میں 15 کروڑ، صرف جون میں 71 لاکھ! ریاست نے سپریم کورٹ کے چیف جسٹس کی بنچ میں بتایا
ابھیشیک بنرجی کے قریبی ساتھی سمیت رائے کے بینک اکاو¿نٹ میں تقریباً 15 کروڑ روپے جمع ہوئے ہیں۔ ان میں سے صرف جون میں تقریباً 71 لاکھ روپے جمع ہوئے۔ بدھ کو سپریم کورٹ میں ریاست نے یہ بات بتائی۔ زمینی بدعنوانی کے مقدمے میں اب تک جو معلومات سامنے آئی ہیں، تفتیش کار انہیں محض برفانی تودے کا سرا (نوک) سمجھ رہے ہیں۔
شالبونی زمینی بدعنوانی کیس میں سمیت ایک اہم ملزم ہے۔ اس کیس میں اس کی پیشگی ضمانت کی درخواست ہائی کورٹ نے مسترد کر دی تھی۔ اس کے بعد سمیت سپریم کورٹ گیا۔ یہ مقدمہ اب سپریم کورٹ کے چیف جسٹس سوریا کانت، جسٹس جے مالیہ باگچی اور جسٹس وی موہنا کی بنچ میں ہے۔ بدھ کو ریاست کی طرف سے عدالت میں سولیسیٹر جنرل مہتا نے دلائل دیے۔ انہوں نے بتایا کہ گزشتہ جون میں سمیت کے اکاو¿نٹ میں تقریباً 71 لاکھ روپے جمع ہوئے ہیں۔ ابھیشیک کے قریبی ساتھی کے اکاو¿نٹ میں کل تقریباً 15 کروڑ روپے جمع ہوئے ہیں۔ تفتیش کاروں نے اس رقم کے ماخذ پر شبہ ظاہر کیا ہے۔ اس لیے وہ سمجھتے ہیں کہ سمیت کو حراست میں لے کر پوچھ گچھ کرنے کی ضرورت ہے۔

گزشتہ سماعت میں ریاست نے الزام لگایا تھا کہ سمیت تحقیقات میں تعاون نہیں کر رہا ہے۔ اس سے پہلے سپریم کورٹ نے جاننا چاہا تھا کہ کیا نقدی میں بڑی رقم جمع کرنے کے الزام پر سمیت سے پوچھ گچھ کی گئی تھی یا نہیں۔ گزشتہ سماعت میں سولیسیٹر جنرل مہتا نے بتایا تھا کہ اس معاملے پر تفصیلی پوچھ گچھ کی گئی تھی، لیکن سمیت نے بہت سے سوالات کے براہ راست یا واضح جوابات نہیں دیے۔ انہوں نے تفتیش کاروں کے بہت سے سوالات کے جوابات دینے سے گریز کیا۔ اگرچہ اس وقت سمیت کے وکیل نے اس الزام کی تردید کی تھی۔ اس صورتحال میں سپریم کورٹ نے سمیت کی پوچھ گچھ کا تحریری ریکارڈ دیکھنے کو کہا تھا۔