Kolkata

ٹولو ابھی تک لاپتہ،15گھنٹے کی تلاشی کے بعد گھر سیل، پالتو کتے کو بے گھر کر دیا

31/07/26

ٹولو ابھی تک لاپتہ،15گھنٹے کی تلاشی کے بعد گھر سیل، پالتو کتے کو بے گھر کر دیا ٹولو منڈل کہاں ہیں؟ ان کے بہنوئی منار کی گرفتاری کے بعد سے یہ سوال بار بار اٹھ رہا ہے۔ تفتیش کاروں کا اندازہ ہے کہ شاید انہوں نے بیرون ملک پناہ لے لی ہے، تاہم اس سلسلے میں کوئی یقینی معلومات نہیں مل سکی۔ دوسری طرف، جمعرات کو تقریباً ۱۵ گھنٹے کی مسلسل تلاشی کے بعد تفتیش کاروں نے سیوری میں ٹولو کے گھر کو سیل کر دیا۔ گھر سے خادمہ اور سیکورٹی کے ذمہ دار اہلکاروں کو بھی نکال باہر کیا گیا۔ ٹولو منڈل کے پالتو کتے للی کو بھی گھر سے نکال دیا گیا۔ جمعرات کو دوپہر میں پتھر اور ریت کے کاروبار کے ''بےتاج بادشاہ'' ٹولو منڈل عرف محمد ناجیب الدین کے متعدد اڈوں پر پولیس نے چھاپے مارے۔ منار منڈل کی آمدنی کے ذرائع کی تلاش میں ضلعی پولیس کی ایک ٹیم نے سیوری کے سبھاش پلی میں ٹولو منڈل کے گھر چھاپہ مارا۔ ڈی ایس پی (ڈی ای بی) سورجیت منڈل، ڈی ایس پی (سدر) سورو بھٹاچاریہ، سیوری تھانے کے آئی سی شیلندر اپادھیائے سمیت پولیس کے اعلیٰ افسران نے تلاشی لی۔ ذرائع کے مطابق ان کے گھر سے 8 لاکھ روپے نقد اور 150 گرام سونا ضبط کیا گیا ہے۔

Source: Admin