بیلیا گھاٹا سے سیکٹر فائیو تک ٹرائل رن کامیابی کے ساتھ مکمل
مہالیہ کے موقع پر کولکاتا میٹرو کی اورنج لائن کے مسافروں کے لیے خوشخبری ہے۔ ہفتے کے روز اورنج لائن کے توسیعی حصے پر ٹرائل رن مکمل کیا گیا۔ بیلی گھاٹا سے سیکٹر فائیو تک میٹرو کا ٹرائل رن کامیاب رہا۔
اگر سب کچھ منصوبے کے مطابق رہا تو آئندہ دسمبر میں کرسمس کے موقع پر کوی سبھاش یا نیو گڑیا اسٹیشن سے براہِ راست سیکٹر فائیو تک میٹرو سروس شروع ہو سکتی ہے۔ اس توسیعی حصے میں گوَر کشور گھوش، نلبن اور سیکٹر فائیو میٹرو اسٹیشن شامل ہوں گے۔
اس سروس کے شروع ہونے سے نیو گڑیا سے بہت کم وقت میں سیکٹر فائیو پہنچنا ممکن ہو جائے گا۔ اس سے سیکٹر فائیو میں کام کرنے والے لوگوں کو خاصی سہولت ملے گی۔
تاہم، ٹرائل رن کامیاب ہونے کے بعد بھی ریلوے سیفٹی کمشنر سے منظوری حاصل کرنا ضروری ہے۔ اس منظوری کے بعد ہی مسافروں کے لیے میٹرو سروس شروع کی جائے گی۔