Kolkata

پوری رات لاپتہ رہنے کے بعد نوجوان کی لاش برآمد،

10/08/26

پوری رات لاپتہ رہنے کے بعد نوجوان کی لاش برآمد،
جائیداد کو لے کر ماں اور دادی کے ساتھ جھگڑا کرکے نوجوان گھر سے نکلا تھا۔ پھر وہ واپس نہیں آیا۔ پیر کی صبح مرشد آباد کے ڈومکل تھانے کے بھگیرتھ پور بازار سے بہنے والی بھیرب ندی کے کالودیار گھاٹ کے قریب سے نوجوان کی لاش برآمد ہوئی۔ اس واقعے کو لے کر مرشد آباد کے ڈومکل میں شدید ہنگامہ برپا ہے۔ ابتدائی طور پر پولیس کا قیاس ہے کہ نوجوان نے خودکشی کی ہے۔ لیکن جس طرح اس کی لاش برآمد ہوئی ہے، اس سے خاندان کا دعویٰ ہے کہ اسے قتل کیا گیا ہے۔
معلوم ہوا ہے کہ مقتول نوجوان کا نام ا±بھیک گھوش ہے۔ اس کی عمر 22 سال ہے۔ گھر بھگیرتھ پور میں ہی ہے۔ خاندانی ذرائع کے مطابق، اتوار کو زمین سے متعلق معاملے پر نوجوان کی اپنی ماں اور دادی کے ساتھ تلخ کلامی ہوئی تھی۔ اس کی وجہ سے وہ رات ہی گھر سے نکل گیا۔ آج یعنی پیر کی صبح نوجوان کی لاش برآمد ہوئی۔ خبر ملتے ہی ڈومکل تھانے کی پولیس موقع پر پہنچ گئی۔ لاش کو برآمد کرکے ڈومکل سب ڈویڑن سپیشلٹی اسپتال لے جایا گیا۔ وہاں ڈیوٹی پر موجود ڈاکٹروں نے معائنے کے بعد اسے مردہ قرار دیا۔

Source: Admin