Kolkata

کنٹنٹ کری ایٹر کی بیوی کی پراسرار موت کے فوری بعد شوہر کی خودکشی کی کوشش!

10/08/26

کنٹنٹ کری ایٹر کی بیوی کی پراسرار موت کے فوری بعد شوہر کی خودکشی کی کوشش!
ایک اور کنٹنٹ کری ایٹر کی پراسرار موت۔ ساینی چکرورتی کے بعد اب سیما داس شاشمل کی موت ہو گئی ہے۔ اس واقعے پر تملک تھانے میں پولیس نے غیر معمولی موت کا مقدمہ درج کیا ہے۔ بیوی کی موت کے فوری بعد ہی ان کے شوہر منوجیت نے خودکشی کی کوشش کی۔ فی الحال وہ نوجوان تملک کے ایک نرسنگ ہوم میں زیر علاج ہے۔ تفتیش کار یہ جانچ رہے ہیں کہ سیما کی موت کی وجہ کیا تھی اور منوجیت نے خودکشی کی کوشش کیوں کی۔
سیما داس شاشمل سوشل میڈیا پر ایک معروف چہرہ تھیں۔ ان کے 4 لاکھ سے زیادہ فالوورز تھے۔ وہ مشرقی میدنی پور ضلع کے چاندی پور تھانے کے پایرا چالی گاو¿ں کی رہائشی تھیں۔ خاندانی ذرائع کے مطابق، ہفتہ کی شام کنٹنٹ کری ایٹر سیما داس شاشمل نے زہریلا مادہ کھا لیا۔ خاندان کے افراد کو کچھ دیر بعد اس واقعے کا پتہ چلا۔ انہیں بے ہوشی کی حالت میں برآمد کیا گیا۔ پہلے انہیں چاندی پور میڈیکل سینٹر لے جایا گیا۔ تاہم حالت تشویشناک ہونے پر انہیں تملک کے ایک نجی اسپتال میں داخل کیا گیا۔ لیکن اس سے کوئی فائدہ نہیں ہوا۔ ہفتہ کی گہری رات کو کنٹنٹ کری ایٹر کی موت ہو گئی۔ اتوار کو سیما کی لاش کو پوسٹ مارٹم کے لیے تملک میڈیکل کالج اور اسپتال لے جایا گیا۔

Source: Admin