ابھیشیک بنرجی کے بیرون ملک سفر کو سپریم کورٹ کی منظوری!
سپریم کورٹ نے ابھیشیک بنرجی کو علاج کے لیے بیرون ملک جانے کی اجازت دے دی۔ جسٹس جے مالیا پاگچی نے مشاہدہ کیا کہ وہ تین ہفتوں کے لیے بیرون ملک جا کر علاج کروا سکتے ہیں اور ان کے سفر میں کوئی رکاوٹ نہیں ڈالی جا سکتی۔ اگلے تین ہفتے ابھیشیک کے بیرون ملک سفر میں کوئی رکاوٹ نہیں ڈالی جا سکے گی۔
کلکتہ ہائی کورٹ میں ابھیشیک نے بیرون ملک جانے کے لیے جو مقدمہ دائر کیا تھا، وہ خارج کر دیا گیا۔ اس کے فوراً بعد 7 اگست کی گہری رات کو ڈائمنڈ ہاربر کے ایم پی نے سپریم کورٹ کا دروازہ کھٹکھٹایا۔ پیر کو جسٹس جے مالیا باگچی کا مشاہدہ تھا کہ صرف ابھیشیک کے خلاف مقدمہ ہونے کی وجہ سے انہیں بیرون ملک علاج معالجے کی سہولت لینے سے نہیں روکا جا سکتا۔ ایک شخص کو بیرون ملک جانے اور اپنی پسند کے مطابق علاج کروانے کا حق ہے۔
بدھ کو ہائی کورٹ کے جسٹس س±وگت بھٹاچاریہ کی سنگل بنچ نے آنکھوں کے علاج کے لیے ابھیشیک کو بیرون ملک جانے کی اجازت نہیں دی۔ جسٹس نے کہا کہ علاج سے متعلق رائے لینے کے لیے جمعرات کو ابھیشیک کو ایس ایس کے ایم اسپتال جانا ہوگا۔ وہاں کے شعبہ چشم کے سربراہ ایک میڈیکل بورڈ تشکیل دے کر ابھیشیک کے بیرون ملک سفر کی ضرورت کا جائزہ لیں گے۔ لیکن ابھیشیک کے وکیل نے عدالت کو بتا دیا کہ ان کے موکل ایس ایس کے ایم نہیں جائیں گے۔ اس کے بعد حکم دیتے ہوئے جسٹس بھٹاچاریہ نے پورا مقدمہ خارج کر دیا۔
آنکھوں کے علاج کے لیے بیرون ملک جانے کی درخواست پر دو دن پہلے، گزشتہ پیر کو سپریم کورٹ میں سماعت ہوئی تھی۔ چیف جسٹس سوریا کانت، جسٹس جے ملئے باغچی اور جسٹس وی موہنر کی بنچ نے مقدمہ دوبارہ ہائی کورٹ واپس بھیجنے کا فیصلہ کیا۔ سپریم کورٹ نے سات دنوں کے اندر ابھیشیک کی درخواست کا فیصلہ کرنے کو کہا تھا۔ اسی کے مطابق بدھ کو ہائی کورٹ میں اس مقدمے کی سماعت ہوئی۔ لیکن ہائی کورٹ نے ابھیشیک کو بیرون ملک جانے کی اجازت نہیں دی۔ اعلیٰ عدالت کی طرف سے مقدمہ خارج کرنے کے بعد ابھیشیک نے اسی درخواست کے ساتھ سپریم کورٹ کا رخ کیا۔ وہاں انہیں منظوری مل گئی۔

Source: Admin