Kolkata

شمالی بنگال میں طوفان جاری ، کولکاتا بھی متاثر ہوسکتا ہے

01/08/26

شمالی بنگال میں طوفان جاری ، کولکاتا بھی متاثر ہوسکتا ہے خلیج بنگال پر جو کم دباو¿ کا نظام (لو پریشر) بن گیا تھا، وہ مغرب کی طرف منتقل ہو گیا ہے۔ جس کے نتیجے میں مجموعی طور پر بارش میں بھی کمی آئی ہے۔ تاہم کولکاتا میں ابھی تک وقفے وقفے سے دو ایک بارش ہو رہی ہے۔ علی پور محکمہ موسمیات نے بتایا ہے کہ ریاست بھر میں بکھری ہوئی بارش ہوتی رہے گی۔ تاہم شمالی بنگال میں اگلے چند دنوں میں بارش زیادہ ہوگی۔ مون سون کی محور (خط) اب راجستھان، مدھیہ پردیش سے ہوتی ہوئی کم دباو¿ کے علاقے کے درمیان سے اڑیسہ کو عبور کرتی ہوئی خلیج بنگال تک پھیلی ہوئی ہے۔ کم دباو¿ کا نظام مہاراشٹر کی طرف ہے۔ اس کے اثر سے خلیج بنگال سے بڑی مقدار میں آبی بخارات خشکی کے اندر داخل ہو رہے ہیں۔ جس کے نتیجے میں شمالی بنگال میں آنے والی بدھ تک شدید بارش کا امکان ہے۔

Source: Admin