ریاستی وزیر امیش رائے نے گنگا میں تقریباً 2 لاکھ مچھلیوں کے بچے چھوڑے
وزیر اعظم متسیہ سمپدا یوجنا کے تحت جمعہ کے روز دریائے ہوگلی میں مچھلی افزائش مہم کا انعقاد کیا گیا۔ اس موقع پر چھوٹی بڑی اقسام کی تقریباً 2 لاکھ مچھلیوں کے بچے گنگا میں چھوڑے گئے۔ اس پروگرام کے سلسلے میں ہاوڑہ کے رام کرشن پور گھاٹ پر ریاستی بلدیات اور شہری ترقی کے وزیر مملکت امیش رائے، ضلع مجسٹریٹ پی دیپاپریا سمیت ضلع انتظامیہ اور ریاستی ماہی گیر کوآپریٹو فیڈریشن لمیٹڈ کے افسران موجود تھے۔حال ہی میں مرکزی حکومت نے ریاست میں ماہی گیری کے شعبے کی مجموعی ترقی اور ماہی گیروں کے تحفظ کے لیے مغربی بنگال حکومت کو تقریباً 9 کروڑ روپے کا فنڈ فراہم کیا ہے۔
ریاست کے ساحلی علاقوں، سندربن، دارجلنگ اور کالمپونگ میں سرد پانی کی مچھلیوں کی افزائش اور خشک سالی سے متاثرہ بانکوڑہ اور پرولیا میں نئے منصوبوں کا خاکہ تیار کیا گیا ہے۔جمعہ کے روز مچھلی افزائش مہم کے بارے میں وزیر امیش نے کہا، ”سابقہ حکومت نے ماہی گیروں کے لیے کچھ نہیں کیا۔ اب حکومت نے ماہی گیروں کو پی ایم کسان ندھی یوجنا میں شامل کرنے کا وعدہ کیا ہے۔“
انہوں نے بتایا کہ ماہی گیروں کے مفادات کے تحفظ اور دریائے ہوگلی کے ماحولیاتی نظام کا توازن برقرار رکھنے کے لیے یہ اقدام کیا گیا ہے۔ اسی مقصد کے تحت دریا میں مچھلیوں کے بچے چھوڑے گئے ہیں۔
وزیر مملکت نے مزید بتایا کہ کسانوں اور ماہی گیروں کے لیے مرکزی حکومت کی کئی عوامی فلاحی اسکیمیں موجود ہیں، جن کے بارے میں ریاست کے لوگ پہلے واقف نہیں تھے۔ ریاست میں نئی حکومت کے قیام کے بعد ان اسکیموں کو ایک ایک کرکے نافذ کیا جا رہا ہے۔ ان کے مطابق، فی الحال ریاست میں مرکزی حکومت کی 98 اسکیمیں شروع کی جا چکی ہیں۔
ریاستی وزیر امیش رائے نے گنگا میں تقریباً 2 لاکھ مچھلیوں کے بچے چھوڑے...
Source: Admin
