ساگردیگھی کے ایم ایل اے بائرن بسواس کو طنز کا نشانہ بنایا گیا ،بلاک ترنمول کانگریس صدر کو وجہ بتاﺅ نوٹس موصول

کنڈی : پارٹی کے ایم ایل اے بائرن بسواس کو طنز کا نشانہ بنایا گیا ہے۔ ساگردیگھی بلا ک ترنمول کانگریس صدر نورمحیب عالم کو وجہ بتاﺅ نوٹس موصول ہوا ہے۔ جنگی پور تنظیمی ضلع ترنمول کانگریس کے صدر ایم پی خلیل الرحمن نے انہیں طلب کیا۔ ترنمول بلاک صدر کو اگلے 3 دن کے اندر جواب دینے کے لیے طلب کیا گیا ہے۔ہفتہ کو ساگردیگھی بلاک کے دو مقامات پر بلاک ترنمول کانگریس صدر نورمحبوب عالم کی قیادت میں 21جولائی کے لیے تیاریوں کی میٹنگیں منعقد کی گئیں۔ ایک میٹنگ ساگردیگھی بلاک کے گووردھن ڈنگہ علاقے میں تھی اور دوسری پٹکل ڈنگا علاقے میں۔ ترنمول کانگریس ساگردیگھی بلاک صدر نے پٹکیل ڈانگہ علاقہ میٹنگ سے ساگردیگھی ایم ایل اے بائرن بسواس کے خلاف دھماکہ خیز تبصرہ کیا۔ بلاک صدر نور محبوب عالم نے 21 جولائی کی تیاری کے اجلاس میں اسٹیج سے ایم ایل اے کا نام لیا اور کہا، "انتخابات سے پہلے ایم ایل اے بائرن بسواس نے کہا تھا کہ وہ ترنمول کو نگل لیں گے، لیکن میں نے دیکھا کہ وہ اپنے کاروبار کو بچانے کے لیے ترنمول کانگریس میں شامل ہوئے ہیں۔ میں یہ الفاظ مجبوری میں کہہ رہا ہوں، مجھے نہیں معلوم کہ میں کب تک پارٹی میں رہوں گا؟ کیوں کہ یہ کوشش نہیں کی جا رہی ہے کہ وہ ترنمول کانگریس میں شامل ہوں۔" شمشیر گنج اگر ساگردیگھی میں کسی ماں کی گود خالی ہوئی تو آپ ذمہ دار ہوں گے، کیونکہ وہ ترنمول کے پرانے کارکنوں کو ٹھکرانے کی کوشش کر رہے ہیں، میں کسی کے سامنے سر نہیں جھکاوں گا۔یہ دھماکہ خیز ویڈیو سوشل میڈیا پر وائرل ہو گئی ہے۔ اس لئے جنگی پور تنظیمی ضلع ترنمول کانگریس کے صدر ایم پی خلیل الرحمن نے انہیں طلب کیا ہے۔ ترنمول بلاک صدر کو اگلے 3 دن کے اندر جواب دینے کے لیے طلب کیا گیا ہے۔ ہم نے اس سلسلے میں ساگردیگھی کے ایم ایل اے بائرن بسواس سے رابطہ کیا۔ انہوں نے کہا کہ ریاستی قیادت اس مسئلہ پر بات کر رہی ہے۔ اس معاملے کی تفصیلات وہ بعد میں دیں گے۔

Source: social media