Bengal

گورنر نے پی ایس سی چیئر مین کی تقرری کا حکم دے کر ریاست کو نشانہ بنایا

راج بھون اور نوانا کے درمیان تنازعہ ختم ہونے کے کوئی آثار نظر نہیں آتے۔ اس بار 'ویسٹ بنگال پبلک سروس کمیشن' (PSC) کے چیئرمین اور ممبران کی تقرری کو لے کر تنازعہ کی صورتحال پیدا ہو گئی ہے۔ جمعرات کو راج بھون سے جاری ایک مختصر بیان میں ریاستی حکومت کو تقرری میں تیزی لانے کی ہدایت دی گئی ہے۔راج بھون کے مطابق، گورنر سی وی آنند بوس نے ریاستی حکومت کو ہدایت دی ہے کہ وہ جلد از جلد پی ایس سی کے چیئرمین اور ممبران کا تقرر کرے۔ کیونکہ بتایا گیا ہے کہ راج بھون کے 'امن روم' میں گورنر کو شکایات پیش کی گئی ہیں۔ شکایت میں کہا گیا ہے کہ پی ایس سی کے چیئرمین اور ممبران کی تعیناتی نہ ہونے کی وجہ سے اہل ملازمت کے متلاشی افراد کو نوکریاں نہیں مل رہی ہیں۔ ایسی شکایات موصول ہونے کے بعد گورنر نے ریاست سے اس سلسلے میں پہل کرنے کو کہا۔ راج بھون کے بیان میں یہ بھی بتایا گیا ہے کہ پی ایس سی میں بھرتی میں تاخیر ہو رہی ہے۔

Source: mashrique