پولیس بیرک میں سب انسپکٹر کی پراسرار موت! ساتھی اہلکاروں نے لاش برآمد کی، ہابڑا تھانے میں ہلچل
پولیس بیرک سے ایک سب انسپکٹر (ایس آئی) کی لاش برآمد ہوئی ہے۔ متوفی کی شناخت وشوناتھ سین کے طور پر ہوئی ہے۔ وہ شمالی 24 پرگنہ کے ہابڑا تھانے میں تعینات تھے۔ ان کا گھر جنوبی 24 پرگنہ کے مہیشتلا علاقے میں تھا۔پولیس ذرائع کے مطابق وشوناتھ نے اتوار کی رات بھی ڈیوٹی انجام دی تھی اور ان کے رویے میں کوئی غیر معمولی بات نظر نہیں آئی تھی۔ پیر کو ہابڑا تھانے کی بیرک میں ان کی لاش ملی۔ ساتھی اہلکاروں کے مطابق ایس آئی کو بیرک میں ایک کمرہ الاٹ کیا گیا تھا، جہاں وہ رہتے تھے۔ کافی دیر تک کمرے کا دروازہ بند رہنے پر کچھ ساتھیوں نے دروازہ کھٹکھٹایا۔ ابتدا میں انہیں لگا کہ وشوناتھ سو رہے ہیں، لیکن کئی بار آواز دینے کے باوجود کوئی جواب نہ ملنے پر انہیں تشویش ہوئی۔ ساتھی اہلکاروں نے دروازہ کھولا تو وشوناتھ کو بے ہوشی کی حالت میں پایا۔
انہیں فوری طور پر ہابڑا اسپتال لے جایا گیا، لیکن ڈاکٹروں نے انہیں مردہ قرار دے دیا۔پولیس کا ابتدائی دعویٰ ہے کہ ایس آئی نے خودکشی کی ہے، تاہم اس اقدام کی وجہ ابھی واضح نہیں ہے۔ یہ بھی معلوم نہیں ہو سکا ہے کہ وہ کسی ذاتی مسئلے، پیشہ ورانہ دباو¿ یا ذہنی پریشانی کا سامنا کر رہے تھے یا نہیں۔پراسرار موت کی تحقیقات شروع کر دی گئی ہیں۔ متوفی ایس آئی کی لاش کو پوسٹ مارٹم کے لیے بھیج دیا گیا ہے۔ پولیس نے ان کے اہل خانہ سے بھی رابطہ کر لیا ہے۔