شوبھندوکو صرف مسلمان ہی مظاہرہ کرتے نظر آئے،چن چن کر ان کے خلاف کارروائی کرنے کا اعلان کیا کاکروچ جنتا پارٹی نے پورے ملک میں احتجاج کرنے کا اعلان کیا تھا۔اسی اعلان کے تحت سیالدہ سے ایک بہت بڑی ریلی نکالی گئی جو سیالدہ سے نکل کر دھرمتلہ تک پہنچ گئی۔ لاکھوں کی تعداد میں لڑکے اور لڑکیوں نے حصہ لیا۔ اس میں تمام نوجوانوں نے حصہ لیا۔دھرمتلہ میں یہ تحریک میدان جنگ بن گیا۔ پولس نے طلبا کو رگید نے کی کوشش کی ۔ طلبا بھاگتے تھے اور آجاتے تھے۔پولس کو اس کے پیچھے گہری سازش نظر آرہی ہے۔شوبھندو نے اسمبلی میں کھڑے ہوکر کہا کہ اس تحریک کے پیچھے مسلم علاقوں کے لڑکوں نے حصہ لیا۔ انہوں نے خضر پور، راجہ بازار کا نام بھی لیا۔انہوں نے کہا کہ انتخاب میں ہارنے والے لوگوں نے نوجوانوںکو اس تحریک میں شامل ہونے کو کہا۔انہوں نے دھمکی دی کہ ان کے خلاف کارروائی ہوگی۔ ان کی پولس نے 70مسلمانوں کی نشاندہی کی ہے۔اب یہ لوگ ان کے خلاف کارروائی کرنے کا منصوبہ بنا رہے ہیں۔ شوبھندو نے دھمکی دیتے ہوئے کہا کہ ان کے خلاف سخت ترین سزا کا انتظام کیا جائے گا۔ شوبھند و نے کہا کاکروچ تحریک میں بائیں بازو کی طلبہ تنظیمیں گھس آئیں، جن میں ایس ایف آئی، ڈی وائی ایف آئی، ڈی ایس او، اے آئی ایس ایف وغیرہ شامل ہیں۔ ان میں کلکتہ اور آس پاس کے علاقوں کے لوگ تھے، جو طلبہ نہیں ہیں، نیٹ (قومی اہلیت داخلہ امتحان) سے کوئی تعلق نہیں رکھتے۔"انہوں نے کہا "انتخابات میں ہارنے والے راجابازار، خضرپور، پارک سرکس، گارڈن ریچ، نیو ٹاو¿ن سے سب آئے تھے۔ ڈورینا کراسنگ پر پانی کی بوتلیں، جوتے پولیس پر پھینکے، صحافیوں پر حملہ کیا۔" شوویندو نے بتایا کہ فساد پھیلانا ہی 'کاکروچ' کا اصل مقصد تھا۔ ان کے الفاظ میں، "وہ چاہتے تھے کہ پولیس لاٹھی چارج کرے، آنسو گیس کے شیل پھوڑے، جھگڑا بڑھے، تو ڈرامہ جم جاتا۔ چند صحافی معمولی زخمی ہوئے، لیکن 6صحافی شدید زخمی ہوئے۔ کل سات مقدمات درج کیے گئے ہیں۔ سب میں اوباشوں کے خلاف قانون شامل کیا گیا ہے۔

Source: Admin