انڈال میں گوشت فروخت کرنے والے عاشق پر لیو اِن پارٹنر کو تیز دھار ہتھیار سے قتل کرنے کا الزام!
جوڑے کے درمیان جھگڑے کا انجام انتہائی افسوسناک ہوا۔ لیو اِن پارٹنر کو تیز دھار ہتھیار سے حملہ کرکے قتل کرنے کا الزام گوشت فروخت کرنے والے عاشق پر عائد ہوا ہے۔ بدھ کی دیر رات پیش آنے والے اس واقعے کے بعد جمعرات کی صبح انڈال کے ا±کھڑا علاقے میں شدید سنسنی پھیل گئی۔ پولیس نے ملزم عاشق کو گرفتار کر لیا ہے۔ اطلاعات کے مطابق، دونوں کے تعلقات میں کشیدگی اس واقعے کی وجہ ہو سکتی ہے۔ پولیس اس پہلو کی بھی جانچ کر رہی ہے کہ آیا ان کے رشتے میں کسی تیسرے شخص کی مداخلت ہوئی تھی یا نہیں۔
مقتولہ کا نام چاندا سنگھ (46) ہے۔ اس معاملے میں پولیس نے ملزم پریم منڈل کو گرفتار کیا ہے۔ مقامی ذرائع کے مطابق، دونوں کے درمیان محبت کا رشتہ قائم ہوا تھا اور وہ ایک ساتھ رہتے تھے۔ ان دونوں کی گوشت کی ایک دکان بھی ہے۔
بدھ کی دیر رات کسی بات پر دونوں کے درمیان تنازع شروع ہوا اور چاندا دیوی اور پریم منڈل کے درمیان بحث ہونے لگی۔ بات چیت کے دوران جھگڑا بڑھتا چلا گیا۔ الزام ہے کہ اسی دوران پریم نے تیز دھار ہتھیار سے چاندا دیوی کی گردن پر حملہ کر دیا۔ شدید زخمی ہونے کے بعد خاتون زمین پر گر پڑیں اور موقع پر ہی ان کی موت ہو گئی۔
واقعے کے بعد ملزم فرار ہونے کی کوشش کرنے لگا۔ تاہم، مقامی لوگوں سے اطلاع ملتے ہی پولیس نے فوری کارروائی کی اور چھاپہ مار کر پریم منڈل کو گرفتار کر لیا۔
مقامی ذرائع کے مطابق، دونوں کی ا±کھڑا بازار میں گوشت کی ایک دکان ہے۔ تاہم، ابھی تک یہ واضح نہیں ہو سکا ہے کہ دونوں کے درمیان جھگڑا کس وجہ سے شروع ہوا تھا۔
اس سنگین واقعے کے پیچھے اصل وجہ کیا تھی؟ کیا یہ کسی تنازع کا نتیجہ تھا یا اس کے پیچھے کوئی اور وجہ تھی؟ پولیس تمام پہلوو¿ں سے معاملے کی تفتیش کر رہی ہے۔ ملزم سے پوچھ گچھ کرکے واقعے کی اصل وجہ معلوم کرنے کی کوشش کی جا رہی ہے۔ اس واقعے کے بعد علاقے میں سنسنی پھیل گئی ہے۔