بیر بھوم دھماکہ کے سلسلے میں کلکتہ ہائی کورٹ میں ایک مقدمہ دائر کیا گیا ہے۔ کھیراشول میں ودولیا کوئلے کی کان میں دھماکہ ہوا۔ کم از کم 6 افراد ہلاک ہو گئے۔ کلکتہ ہائی کورٹ میں ایک کیس دائر کیا گیا تھا جس میں دھماکے کی این آئی اے سے تحقیقات کا مطالبہ کیا گیا تھا۔ چیف جسٹس ٹی ایس شیوجگنم نے منگل کو مقدمہ درج کرنے کی اجازت دی۔کھیرا شول لوک پور تھانے کے ودولیا گاوں میں کوئلے کی کان میں دھماکہ ہوا۔ اس کان میں ایک لاری میں بہت زیادہ دھماکہ خیز مواد بتایا گیا تھا۔ دھماکہ اسی لاری سے ہوا۔ 6 افراد جاں بحق ہوگئے ت ھے۔ شروع میں 2 افراد کے جاں بحق ہونے کی خبریں آئی تھیں۔ بعد اذاں مزید 4 ہلاکتیں ہوئیں۔ زخمیوں کو پہلے ہی بچایا گیا ہے اور سیوری اور دبراج پور سمیت کئی علاقوں کے اسپتالوں میں داخل کرایا گیا ہے۔پولیس اس بات کی تحقیقات کر رہی ہے کہ آیا سرکاری کانوں میں کوئلہ غیر قانونی طور پر نکالا جا رہا تھا۔ متوفی کے اہل خانہ سے لے کر گاو¿ں والوں نے پولیس کے سامنے احتجاج کرتے ہوئے معاوضہ کا مطالبہ کیا۔ مرنے والوں کے لواحقین نے 30 لاکھ روپے معاوضہ، ایک گھر اور سرکاری نوکری کا مطالبہ کیا۔ انتظامیہ کی جانب سے مدد کی یقین دہانی پر انہوں نے احتجاج ختم کر دیا۔ ایم ایل اے انوپ ساہا نے بھی اعتراف کیا کہ حادثہ کوئلہ کان کنی کمپنی کی لاپرواہی کی وجہ سے ہوا ہے۔

Source: akhbarmashriq