رچنا بنرجی حال ہی میں ہگلی کی رکن پارلیمنٹ منتخب ہوئی ہیں۔ وہ لوک سبھا اجلاس میں شرکت کے لیے دہلی بھی گئی تھیں۔ وہاں سے واپسی کے بعد رچنابنرجی پنڈوا پہنچیں۔ وہ سیدھا دیہی ہسپتال گئیں۔ اداکارہ کے ساتھ ساتھ ایم پی کو دیکھنے کے لیے اسپتال میں قدرتی طور پر بھیڑ لگ گئی۔ مریض کے اہل خانہ بھی دوڑ پڑے۔ نرسیں اور اسپتال کے دیگر کارکنان آگے آئے تاہم ایم پی کو بھیڑ پسند نہیں آئی۔ اندر داخل ہوتے ہوئے انہوںنے کہا ”اتنی بھیڑ کیوں ہے؟ انہوں نے یہ مشورہ بھی دیا کہ بھیڑ کو کم کرنے کے لیے کیا اقدامات کیے جائیں۔ رچنا نے کہا کہ کلکتہ کے اسپتالوں جیسا انتظام ہوتا ہے ویسا ہی ہونا چاہئے۔ رچنا نے مشورہ دیا کہ مریض کے اہل خانہ کے لیے ٹکٹوں کا انتظام کیا جانا چاہیے۔ ایک سے زیادہ مریض نہیں مل سکتے۔ جوتے پہن کر چلنا بند کریں۔ انہوں نے ہسپتال کے گیٹوں پر سکیورٹی گارڈز لگانے کی تجویز بھی دی۔ رچنا نے کہا کہ وہ ایک ماہ بعد واپس آئیں گی۔

Source: Mashriq News service