کلکتہ سمیت پانچ اضلاع میں بھاری بارش کی پیش گوئی
محکمہ موسمیات نے بتایا ہے کہ بدھ کو جنوبی بنگال کے تمام اضلاع میں ہلکی سے معتدل بارش ہو سکتی ہے۔ علی پور موسمیات دفتر نے بتایا کہ ہوا کی رفتار کہیں کہیں 30 سے 40 کلومیٹر فی گھنٹہ تک پہنچ سکتی ہے۔ مشرقی بردھمان، ہوگلی اور بانکورا میں بھاری بارش کی پیش گوئی ہے۔ ان تین اضلاع میں 7 سے 11 سینٹی میٹر بارش ہو سکتی ہے۔
جمعرات کو بھی جنوبی بنگال کے کئی اضلاع میں طوفان اور بارش کی پیش گوئی ہے۔ محکمہ موسمیات نے بتایا ہے کہ جمعرات کو ہاوڑہ، جنوبی 24 پرگنہ، دو مدناپور، جھاڑگرام، پورولیا اور بانکورا میں طوفان اور بارش ہو سکتی ہے۔ جمعہ سے جنوبی بنگال میں موسم بدلنے کا امکان ہے۔
محکمہ موسمیات نے اگلے پانچ دن شمالی بنگال کے تقریباً تمام اضلاع میں بارش کی پیش گوئی کی ہے۔ بدھ کو دارجلنگ، جلپائیگوری، علی پور دوار، دو دناجپور اور مالدا میں طوفان اور بارش کی پیش گوئی ہے۔ جلپائیگوری اور علی پور دوار میں بھاری بارش ہو سکتی ہے۔ جمعرات کو شمالی بنگال کے تمام اضلاع میں طوفان اور بارش کا امکان ہے۔ جمعہ سے اتوار تک شمالی بنگال میں کہیں کہیں بھاری بارش کی پیش گوئی محکمہ موسمیات نے کی ہے۔