دنہاٹا میں ناکہ بندی کے دوران 90 لاکھ روپے کے سونے کے بسکٹ ضبط، ایک شخص گرفتار
ناکہ بندی کے دوران پانچ سونے کے بسکٹوں سمیت ایک نوجوان کو پولیس نے گرفتار کیا۔ یہ واقعہ کوچ بہار کے دنہاٹا تھانے کے صاحب گنج کا ہے۔
منگل کی رات صاحب گنج روڈ پر ناکہ بندی جاری تھی۔ ذرائع کے ذریعے پولیس کو معلوم ہوا تھا کہ سمگلنگ ہو سکتی ہے۔ رات ساڑھے دس بجے کے قریب دیکھا گیا کہ معلومات درست تھیں۔ ضبط شدہ سونے کے بسکٹوں کی قیمت 90 لاکھ روپے سے زیادہ ہے۔ پولیس ذرائع کے مطابق، ناکہ بندی کے دوران ایک شخص پر انہیں شک ہوا۔ اس کے پہنے ہوئے کپڑے کو اٹھایا گیا تو پتہ چلا کہ اس کی پینٹ کی بیلٹ میں پانچ سونے کے بسکٹ چھپائے گئے تھے۔ ملزم سے پوچھ گچھ کی گئی لیکن ابتدا میں اس نے کچھ بھی بتانے سے انکار کر دیا۔ اسے گرفتار کر لیا گیا۔
بعد میں پولیس کو معلوم ہوا کہ اس نوجوان کا نام رضاو¿ل حق ہے۔ اس کا گھر صاحب گنج تھانے کے چودھوری ہاٹ گاو¿ں پنچایت علاقے میں ہے۔ اس سے ضبط شدہ سونے کے بسکٹوں کا وزن 681 گرام سے کچھ زیادہ ہے۔ انہیں تحویل میں لے لیا گیا ہے۔ اس سونے کے بسکٹ تک وہ کیسے پہنچا، اس کی تحقیقات کی جا رہی ہیں۔ ابتدائی طور پر خیال کیا جا رہا ہے کہ رضاو¿ل کسی سمگلنگ گینگ سے منسلک ہے۔ پولیس ذرائع کے مطابق، اسے تحویل میں لے کر پوچھ گچھ کی جائے گی۔
کچھ دنوں پہلے دنہاٹا کی سرحدی علاقے سے ٹینس بال کے اندر سے سونے کے بسکٹ ضبط کرنے کا واقعہ پیش آیا تھا۔ تفتیش کاروں کا خیال ہے کہ اس علاقے میں کوئی بڑا گروہ سرگرم ہے۔