Kolkata

حکومت نے اناپورنا اسکیم کے معیارات میں نرمی کی، مزید خواتین کو شامل کرنے کے لیے اسکیم کو وسیع کیا

13/08/26

حکومت نے اناپورنا اسکیم کے معیارات میں نرمی کی، مزید خواتین کو شامل کرنے کے لیے اسکیم کو وسیع کیا
بی جے پی کی زیر قیادت بنگال حکومت نے اناپورنا یوجنا اسکیم کے تحت مزید خواتین کو شامل کرنے کے لیے معیارات میں نرمی کا فیصلہ کیا ہے، جس کی وجہ سابق حکومت کی لکشمی بھنڈار اسکیم کے بہت سے مستفیدین کو خارج کیے جانے پر بڑھتی ہوئی ناراضگی ہے۔
اس شمولیت سے موجودہ مالی سال میں ریاستی خزانے پر اضافی 14,000 کروڑ روپے کا بوجھ پڑ سکتا ہے۔ حکومت نے ابتدائی طور پر اس اسکیم کے لیے 36,000 کروڑ روپے مختص کیے تھے۔ وزیر اعلیٰ شوبھندو ادھیکاری نے بدھ کو نبانہ میں کہا، "ہم نے موجودہ مالی سال میں آٹھ ماہ کے لیے اناپورنا یوجنا چلانے کے لیے ریاستی بجٹ میں 36,000 کروڑ روپے مختص کیے تھے۔ لیکن اب ایسا لگتا ہے کہ یہ رقم 48,000 سے 50,000 کروڑ روپے تک پہنچ سکتی ہے کیونکہ اس اسکیم کا فائدہ مزید خواتین تک پہنچایا جائے گا۔ ریاستی حکومت اضافی اخراجات برداشت کرنے کے لیے تیار ہے۔"
شوبھندو نے کہا کہ اقتدار میں آنے کے فوراً بعد، ریاستی حکومت نے جون میں اس اسکیم کے تحت 28 لاکھ مستفیدین کے بینک اکاو¿نٹس میں 3,000 روپے منتقل کیے۔ جولائی میں، ریاستی حکومت نے 1.19 کروڑ خواتین کے بینک اکاو¿نٹس میں فائدہ منتقل کیا۔

Source: Admin