'بکرے کا گوشت پرساد'، پوجا میں غیر سبزی کے تنازع پر دلیپ گھوش نے اپنا موقف واضح کر دیا
دورگا پوجا میں غیر سبزی اور سبزی کھانے کے تنازع کے درمیان ریاستی پنچایت و دیہی ترقی کے وزیر دلیپ گھوش نے غیر سبزی کا موقف اختیار کیا۔ منگل کی صبح نیو ٹاو¿ن کے ایکو پارک میں صحافیوں سے بات کرتے ہوئے انہوں نے اس معاملے پر اپنا موقف واضح کیا۔ اسی کے ساتھ کھانے پینے کے حوالے سے متنازعہ مشورے پر ترنمول کانگریس کی طرف الزام لگایا۔ دلیپ کا الزام تھا کہ ترنمول یہ بتاتی تھی کہ کسے کیا کھانا چاہیے۔ حال ہی میں پوجا کے دوران غیر سبزی کھانے کو لے کر مدھیہ پردیش کے سادھو دھیرندر کرشن شاستری عرف باگیشور بابا کے تبصرے پر تنازع کھڑا ہوا تھا، جس پر وزیر نے کہا، "جسم اور صحت کو مدنظر رکھتے ہوئے سادھو-سنت ہمیشہ سبزی خوری کی حمایت کرتے ہیں۔
منگل کی صبح ایکو پارک میں صبح کی سیر کے بعد صحافیوں نے دلیپ گھوش کو گھیر لیا۔ پوجا میں غیر سبزی-سبزی تنازع پر ان کی رائے جاننا چاہی۔ اس پر دلیپ گھوش کا واضح جواب تھا، "میں تو مچھلی کے بغیر کچھ نہیں کھاتا۔ یہ کوئی بڑی بات نہیں ہے۔ جو جیسا چاہے کھائے۔ اس میں تنازع کی کوئی گنجائش نہیں ہے۔ مغربی بنگال میں دورگا پوجا کے دوران بکرے کی قربانی دی جاتی ہے۔ بکرے کا گوشت پرساد کے طور پر کھایا جاتا ہے۔ ماں کالی سے لے کر کسی بھی دیوی کو قربانی پیش کی جاتی ہے۔ لہٰذا پوجا کے بعد بکرے کا گوشت کھانے پر کوئی تنازع نہیں ہو سکتا۔ کچھ سنت کہتے ہیں کہ سبزی کھانا اچھا ہے، لیکن اس کی کوئی پابندی نہیں ہے۔
لیکن باگیشور بابا کے مطابق، جو لوگ پوجا کے دوران غیر سبزی کھاتے ہیں، وہ 'پکھنڈی' (دھوکے باز) یا غیر مذہبی ہیں۔ مچھلی یا گوشت کھانے والے دلیپ گھوش کیا اس ٹیگ کو قبول کرنے کو تیار ہیں؟ اس کے جواب میں وزیر کا پلٹ کر سوال تھا، "کیا وہ (باگیشور بابا) اپنے پاس آنے والے بھکتوں کے بارے میں حلف لے کر کہہ سکتے ہیں کہ ان میں سے ایک بھی مچھلی-گوشت نہیں کھاتا؟ سنت اپنے نقطہ نظر سے بات کرتے ہیں، کیونکہ سبزی کھانا صحت کے لیے بہتر ہے۔ لیکن مغربی بنگال کی ثقافت الگ ہے۔ ہم یہاں ماں کالی کے بھکت ہیں۔ وویکانند نے کہا تھا کہ جب تک دنیا ہے، ماں کالی بکرا کھائیں گی اور شیو ڈمرو بجائیں گے۔" واضح رہے کہ یہی بات ریاستی بی جے پی صدر شمک بھٹاچاریہ نے بھی کہی تھی۔ تاہم اس معاملے پر وزیر اعلیٰ شوبھیندر ادھیکاری نے خاموشی اختیار کی ہے۔