بیرونِ ملک بیٹھ کر بھی مہالیا پر ایڈن کا شاندار پروگرام دیکھا جا سکے گا
جو اب تک نہیں ہوا، ریاست میں حکومت کی تبدیلی کے بعد پہلے درگا اتسو میں وہ ہونے جا رہا ہے۔ بنگالیوں کے سب سے بڑے تہوار درگا پوجا کو پہلے ہی یونیسکو کی جانب سے عالمی ورثے کا درجہ مل چکا ہے، لیکن حقیقی معنوں میں یہ ابھی تک عالمی سطح پر نہیں پہنچا تھا۔ اب ایسا ہونے جا رہا ہے۔ آئندہ 10 اکتوبر، مہالیا کے دن ملک کے وزیر اعظم نریندر مودی ایڈن گارڈنز آنے والے ہیں، یہ بات سب کو معلوم ہے۔ حکومت کے ذرائع کے مطابق، اب اس پروگرام کو عالمی سطح پر پیش کرنے کی منصوبہ بندی کی جا رہی ہے۔
بتایا جا رہا ہے کہ بنگال کی درگا پوجا کی تشہیر انگلینڈ، امریکہ اور دبئی—تینوں مقامات پر کی جائے گی۔ ذرائع کے مطابق، 10 اکتوبر کے پروگرام کی تشہیر اور اس کی جھلکیاں امریکہ کے ٹائمز اسکوائر، انگلینڈ کے پکاڈیلی سرکس اور دبئی کے برج خلیفہ پر دکھائی جائیں گی۔
اطلاعات کے مطابق، 10 اکتوبر، مہالیا کے دن ایڈن گارڈنز میں ایک شاندار پروگرام کا اہتمام کیا جا رہا ہے۔ ذرائع کے مطابق، اس پروگرام میں ملک کے وزیر اعظم نریندر مودی اور ریاست کے وزیر اعلیٰ شوبھندو ادھیکاری تقریباً ڈیڑھ گھنٹے تک موجود رہیں گے۔ ایڈن پہنچنے سے پہلے وزیر اعظم اور وزیر اعلیٰ کے روڈ شو کی بھی توقع ہے۔ ایڈن میں داخل ہونے کے بعد ان کا استقبال ’ا±لّو دھونی‘ کے ذریعے کیا جائے گا
اطلاعات کے مطابق، ایڈن کا پروگرام شام 5 بجے شروع ہوگا۔ ثقافتی پروگرام میں شانتیانو میترا، شان، انترا مترا، دیبارشی بھٹاچاریہ، کوشکی چکرورتی اور بنگالی بینڈ دوہار حصہ لیں گے۔ بتایا جا رہا ہے کہ گلوکار لگن جیتا بھی اس پروگرام میں گیت پیش کریں گی۔ پروگرام میں 3 ہزار ڈھاکی پرفارم کریں گے
مزید اطلاعات کے مطابق، وزیر اعظم گالف کارٹ میں میدان کا چکر لگائیں گے۔ مودی کئی درگا پوجا پنڈالوں کا افتتاح بھی کریں گے۔ آخر میں ایڈن میں ڈرون شو اور آتش بازی کا مظاہرہ ہوگا۔ ایڈن میں 35 ہزار تماشائیوں کے بیٹھنے کی گنجائش ہوگی، جن میں ڈھائی ہزار وی آئی پی ہوں گے
مہالیا کی صبح لاو¿ڈ اسپیکر پر بیریندر کرشن بھدر کی آواز میں ’مہیشاسور مردنی‘ بجائی جائے گی۔ ریاستی حکومت کولکاتا اور ہاوڑہ کے اہم گھاٹوں پر اس کا انتظام کر رہی ہے
اس سلسلے میں آج کرکٹ ایسوسی ایشن آف بنگال (سی اے بی) کے ساتھ سرکاری افسران کی میٹنگ بھی ہوئی۔ میٹنگ کے بعد سی اے بی کے خزانچی سنجے داس نے کہا، ”ہم نے بین الاقوامی میچوں کا انعقاد کیا ہے۔ اپنی استطاعت کے مطابق ہر طرح کی مدد کریں گے۔“