، ترنمول کو مورد الزام ٹھہراتے ہوئے اساتذہ اور اسکول عملے کی بھرتی کا وعدہ وزیر اعلیٰ کا
ریاست کے 'کمزور' تعلیمی نظام کو نئی بی جے پی حکومت نئی شکل دے رہی ہے۔ ریاست کے تعلیمی نظام کو دوبارہ ملک میں اولین صف میں لانے کے لیے وزیر اعلیٰ شوبھیندو ادھیکاری پ±رعزم ہیں۔ یوم اساتذہ کی تقریب میں انہوں نے متعدد بڑے پیغامات دیے۔ انہوں نے اساتذہ اور اسکول عملے کی بھرتی کا وعدہ بھی کیا۔ اس کے ساتھ ہی آج انہوں نے ایک بار پھر ریاست کی سابقہ ترنمول کانگریس حکومت کو مورد الزام ٹھہرایا۔
ترنمول کانگریس کے دور میں اساتذہ کی بھرتی سمیت متعدد بدعنوانیوں کے الزامات سامنے آئے۔ بدعنوانی میں ملوث 26 ہزار اساتذہ اور اسکول عملے کی نوکریاں سپریم کورٹ کے حکم پر ختم کر دی گئی تھیں۔ بی جے پی کے دور میں نئے سرے سے بھرتی کا عمل جاری ہے۔ ترنمول دور میں ایس ایس سی میں زبانی امتحان میں بھی زیادہ نمبر دیے گئے تھے۔ زبانی امتحان میں زیادہ نمبر کیوں دیے گئے؟ دھاندلی کے لیے؟ یہ سوال آج وزیر اعلیٰ نے اٹھایا۔ شوبھیندو نے کہا، "میں نے ایس ایس سی کو کہا ہے کہ زبانی امتحان میں 5 نمبر سے زیادہ نہیں دیے جائیں۔" ترنمول دور میں قومی تعلیمی پالیسی ریاست میں نافذ نہیں کی گئی۔ سابقہ حکومت نے کھیل کود، امام اور مو¿ذن کے وظائف دیے، جبکہ تعلیمی شعبے میں 3 سال تک کمپوزٹ گرانٹ روک کر رکھی گئی۔ وزیر اعلیٰ نے یہ الزام بھی عائد کیا۔