یوم اساتذہ سے پہلے ہی بری خبر، المناک سڑک حادثے میں استاد کی موت
طالب علم کو پڑھا کر گھر لوٹ رہے تھے ایک ٹیوٹر۔ اس دوران المناک سڑک حادثے میں ان کی موت ہوگئی۔ یوم اساتذہ سے ایک رات قبل یہ حادثہ مشرقی بردھامان کے رائنا میں پیش آیا۔ متوفی کا نام امیت کمار کولے ہے۔ بتایا گیا کہ بائیک چلاتے ہوئے اچانک سامنے ایک گیدڑ آ گیا، جس سے وہ چھٹ کر گر گئے۔ اس حادثے سے ان کے گھر میں چیخ و پکار مچ گئی، پڑوسی بھی غمزدہ ہیں۔
پولیس اور مقامی ذرائع کے مطابق، رائنا ون بلاک کے ناروگرام پوسٹ آفس کے تحت بھیم پور گاو¿ں میں 34 سالہ امیت کمار کولے کا گھر ہے۔ وہ پیشے سے نجی ٹیوٹر تھے اور اپنے گھر کے علاوہ طلبائ کے گھر جاکر بھی پڑھاتے تھے۔ گزشتہ جمعہ کی رات پرائیویٹ ٹیوشن ختم کرکے وہ سگرائی بازار سے بائیک چلا کر گھر لوٹ رہے تھے۔ بارش کی رات ہونے کی وجہ سے سڑک پر لوگ کم تھے اور گردونواح میں روشنی بھی کم تھی۔ رات ساڑھے دس بجے کے قریب ناروگرام بس اسٹاپ کے قریب یہ حادثہ پیش آیا۔