چھ اسمبلی حلقوں میں ضمنی انتخابات ہونے والے ہیں۔بانکوڑہ کا تلڈنگرا ان میں سے ایک ہے۔ تلڈنگرا اسمبلی حلقہ میں ضمنی انتخاب کی تاریخ کا اعلان ہوتے ہی ترنمول نے مہم چلانی شروع کر دی۔ تاہم امیدوار کے نام کا اعلان نہ ہونے کی وجہ سے ترنمول نے امیدوار کے نام کی جگہ خالی چھوڑتے ہوئے دیوار پر ترنمول کا ووٹ مانگنا شروع کردیا۔تلڈنگرا اسمبلی حلقہ سے ترنمول کے ایم ایل اے اروپ چکرورتی گزشتہ لوک سبھا میں رکن پارلیمنٹ منتخب ہوئے تھے۔ اور پھر انہوں نے ایم ایل اے کے عہدے سے استعفیٰ دے دیا۔ فطری طور پر اس نشست پر ضمنی انتخاب ضروری ہو گیا۔ حال ہی میں الیکشن کمیشن نے اعلان کیا کہ تلڈنگرا اسمبلی حلقہ میں 13 نومبر کو ضمنی انتخابات ہوں گے۔ تاریخ کا اعلان ہوتے ہی ترنمول انتخابی میدان میں پہنچ گئی۔آج فوڈ سپلائی ڈپارٹمنٹ کی وزیر مملکت جیوتسنا منڈی نے بنکورہ ضلع پریشد کی چیرپرسن انوسو رائے کے ساتھ تلڈنگرا بازار میں دیوار کو پینٹ کیا۔ چونکہ پارٹی کے امیدوار کے نام کا اعلان نہیں کیا گیا ہے، اس لیے ترنمول کارکنوں نے امیدوار کا نام فی الحال خالی چھوڑ کر یہ وال رائٹنگ شروع کی۔ ترنمول کانگریس انتخابی مہم کے علاوہ اپنی جیت کے لیے کافی پر امید ہے۔ جیوتسنا منڈی نے کہا، ”ہم کسی بھی اعلان کے لیے 365 دن کے لیے تیار ہیں۔ پارٹی کے لئے وہ امیدوار کوئی بھی ہو۔

Source: Mashriq News service