دم دم پارک میں وزیر شاردوت سے انگلی اٹھا کر سوال کرتے نظر آئے بی جے پی کے ایم ایل اے پیوش
ریاستی وزیر اور ودھان نگر کے بی جے پی ایم ایل اے شاردوت مکھرجی کے ”ایم ایل اے دربار“ میں اچانک راجرہاٹ-نیو ٹاو¿ن کے بی جے پی ایم ایل اے پیوش کانوڑیا پہنچ گئے۔ صرف یہی نہیں، انہیں شاردوت کی طرف اونچی آواز میں بات کرتے اور انگلی اٹھاتے ہوئے بھی سنا گیا۔ پیوش نے شاردوت کے سامنے بھتہ خوری اور سنڈیکیٹ کے معاملے پر اپنے شدید غصے کا اظہار کیا۔ دم دم پارک میں شاردوت کے ساتھ پیوش کے اس طرح کھلے عام بحث میں الجھنے کے واقعے سے ریاست کی حکمراں جماعت کو سبکی کا سامنا کرنا پڑا۔
منگل کو شاردوت اپنے اسمبلی حلقے کے جنوبی دم دم میونسپلٹی کے وارڈ نمبر 28 میں ”ایم ایل اے دربار“ لگا کر بیٹھے تھے۔ میٹنگ رات پونے آٹھ بجے شروع ہوئی۔ جب وہ علاقے کے لوگوں کی شکایات پڑھ رہے تھے، اسی دوران پیوش اچانک وہاں پہنچ گئے۔ وہ اسٹیج کے سامنے، جہاں عام لوگ بیٹھے تھے، جا کر بیٹھ گئے۔ پیوش کے اس طرح شاردوت کے ”ایم ایل اے دربار“ میں پہنچنے پر ابتدائی طور پر کئی لوگ حیران رہ گئے۔ وزیر نے صورتحال کو سنبھالنے کی کوشش کی۔ شاردوت نے کہا، ”ہمارے درمیان پڑوسی اسمبلی حلقے کے ایم ایل اے پیوش کانوڑیا موجود ہیں۔ پیوش دا، آپ اسٹیج پر آ جائیے۔“ پیوش نے جواب دیا، ”میں دوسرے اسمبلی حلقے کا ایم ایل اے ہوں، یہ آپ نہیں کہہ سکتے۔“