Kolkata

ایک نوجوان نے اپنی بھابی کو بیوی بنا کر کمپنی سے تین لاکھ روپے کے قرض لئے

10/08/26

ایک نوجوان نے اپنی بھابی کو بیوی بنا کر کمپنی سے تین لاکھ روپے کے قرض لئے
بیوی نہیں ہے تو کیا قرض نہیں مل سکتا! مسئلہ حل کرنے کے لیے ایک نوجوان نے اپنی بھابی کو بیوی بنا کر قرض دینے والی کمپنی سے تین لاکھ روپے حاصل کر لئے۔ معاملہ کھلنے پر ملزم شیخ طاہر علی کو بندر علاقے کے نادیال تھانے کی پولیس نے گرفتار کر لیا۔
پولیس کے مطابق، تین سال پہلے طاہر کی اپنی بیوی سے علیحدگی ہو گئی تھی۔ لیکن اس کے باوجود بیوی کے نام پر قرض کا پیسہ ہتھیانے کے لیے طاہر نادیال کی ایک قرض دینے والی کمپنی کے پاس گیا۔ وہ اپنی بھابی کو بھی ساتھ لے گیا۔ اس نے بھابی کو ہی اپنی بیوی کے طور پر متعارف کرایا۔ فارم پ±ر کرتے وقت اس نے بیوی کا نام تو لکھا لیکن وہاں اپنی بھابی کی تصویر لگا دی۔ قرض دینے والی کمپنی سے بھابی اور دیور (شوہر کا چھوٹا بھائی) نے 3 لاکھ 26 ہزار روپے ہتھیا لیے۔ لیکن جب قسط کی رقم واپس نہیں دی گئی تو قرض دینے والی کمپنی نے طاہر کی سابقہ بیوی سے رابطہ کیا اور اسے قسط کی رقم واپس کرنے کو کہا۔ یہ سن کر وہ خاتون حیران رہ گئی۔ پہلے اس نے اس معاملے کو اہمیت نہیں دی لیکن کمپنی نے اس پر دباو¿ ڈالا۔ وہ نادیال میں کمپنی کے دفتر گئی اور فارم اور دیگر دستاویزات دیکھنا چاہیں۔ تب دیکھا گیا کہ بیوی کا نام تو تھا لیکن تصویر اور دیگر دستاویزات طاہر کی بھابی کی تھیں۔ اس کے بعد نادیال تھانے میں اس معاملے کی شکایت درج کرائی گئی۔ اسی بنیاد پر پولیس نے تحقیقات شروع کیں۔ پولیس نے طاہر کو گرفتار کر لیا۔ پولیس نے بتایا کہ اس کی بھابی کے کردار کی بھی جانچ کی جا رہی ہے۔

Source: Admin