آر جی کار کیس میں سپریم کورٹ نے اپنی پہل پر کیس لیا۔ حالانکہ یہ بنیادی طور پر ایک نوجوان ڈاکٹر کے قتل اور عصمت دری کا معاملہ تھا لیکن سماعت میں الزامات اور جوابی الزامات سامنے آئے۔ ریاست کی عدالت عظمیٰ میں دعویٰ کیا گیا کہ ڈاکٹروں کی لاپرواہی کی وجہ سے کم از کم 30 مریضوں کی موت ہوئی ہے۔ اس کیس کے وکیلوں میں سے ایک کرونا نندی نے کہا کہ یہ دعویٰ بالکل غلط ہے۔ سینئر وکیل کرونا نندی آر جی کارکیس میں سینئر ڈاکٹروں کی جانب سے لڑ رہی ہیں۔کرونا نندی نے کہا کہ وزیر اعلیٰ اور ترنمول لیڈروں نے دعویٰ کیا کہ ڈاکٹروں کی لاپرواہی کی وجہ سے کم از کم 30 افراد ہلاک ہوئے۔ یہ سراسر جھوٹ ہے۔ اتنا ہی نہیں کرونا نندی نے یہ بھی کہا کہ یہ شکایت درج کروا کر مرنے والوں کو معاوضہ دینے کا فیصلہ درست نہیں ہے۔سپریم کورٹ کے وکیل کے مطابق ریاست نے معاوضہ دے کر دراصل ڈاکٹروں کو مشکل میں ڈال دیا ہے۔ انہوں نے یہ بھی تبصرہ کیا کہ یہ بہت اہم معاملہ ہے۔ انہوں نے یہ بھی بتایا کہ وہ اگلے پیر کو آر جی کارکیس کی اگلی سماعت میں اس معاملے کو اٹھائیں گے۔

Source: Mashriq News service