Kolkata

ریاست کا نام پچھم بنگا ل ہی رہے گا، 'نام تبدیل کرنے سے تاریخ مٹ جائے گی'، شوبھندو ادھیکاری

07/08/26

ریاست کا نام پچھم بنگا ل ہی رہے گا، 'نام تبدیل کرنے سے تاریخ مٹ جائے گی'، شوبھندو ادھیکاری
'بنگال' نہیں۔ ریاست کا نام پچھم بنگا ل(مغربی بنگال) ہی رہے گا۔ تاریخی اہمیت کی وضاحت کرتے ہوئے وزیر اعلیٰ شوبھندو ادھیکاری نے 'پچھم بنگا' نام پر مہر لگا کر تمام تر تنازعات کا خاتمہ کر دیا۔
صرف ریاست کا نام ہی نہیں، بلکہ منصوبوں کے ناموں میں بھی اس کا ذکر ہوگا۔ جمعرات کو نبانہ میں 'بنگلار باڑی' کا نام 'پشچم بنگا آواس' رکھ کر شوبھندو نے یہ پیغام بھی واضح کر دیا۔ 1947 کی تاریخ یاد دلاتے ہوئے شوبھندو نے بتایا کہ جب غیر منقسم بنگال کو تقسیم کر کے مشرقی پاکستان میں شامل کیا جا رہا تھا، تو شاماپرساد مکھرجی نے اسے روک دیا تھا۔ شوبھندو کے الفاظ میں، "پشچم بنگا نام کے پیچھے ملک کی تقسیم کی تاریخ اور ریاست کے قیام کا لمحہ جڑا ہوا ہے۔ موجودہ اور آنے والی نسلوں کے لیے اس تاریخ کا جاننا ضروری ہے۔" اس لیے ریاستی کابینہ میں فیصلہ لے کر 'بنگلار باڑی' کا نام تبدیل کر کے 'پشچم بنگا آواس' رکھا گیا ہے۔
سابقہ حکومت کی طرف سے مرکز کو ریاست کا نام تبدیل کر کے 'بنگال' کرنے کی درخواست کے حوالے سے بھی شوبھندو صاف گو تھے، "میں بار بار پشچم بنگا نام کے جذبات کی بات کر چکا ہوں۔ جب اس فیصلے پر رائے طلب کی جائے گی تو میں بتاو¿ں گا۔ وہ فیصلہ تو ہم نے نہیں لیا، ہم اس میں دلچسپی بھی نہیں رکھتے۔ پشچم بنگا نام کے ساتھ بہت سی چیزیں وابستہ ہیں۔ پشچم بنگا نام ختم کرنے سے بہت سی تاریخ مٹ جائے گی۔ اس تاریخ کو مٹانے کا کام ہم نہیں کر سکتے۔

Source: Admin