Kolkata

پتھر مافیا ٹولو کے مالی لین دین کا حساب کی جانچ کی ذمہ داری آئی پی ایس کو دی گئی

07/08/26

پتھر مافیا ٹولو کے مالی لین دین کا حساب کی جانچ کی ذمہ داری آئی پی ایس کو دی گئی
‘پتھر سمراٹ’ ٹولو منڈل کے ضبط کیے گئے لیپ ٹاپ، ہارڈ ڈرائیو اور پین ڈرائیو میں موجود وسیع مالی معلومات کے راز سے پردہ اٹھانے کی ذمہ داری ایک خاص آئی پی ایس افسر کو سونپی گئی ہے۔ جو پولیس میں شامل ہونے سے پہلے پیشہ ور چارٹرڈ اکاو¿نٹنٹ تھے۔ تفتیش سے پتہ چلا ہے کہ بیر بھوم کے ٹولو منڈل کے کاروبار کے مختلف مالی اکاو¿نٹس ان کے اکاو¿نٹنٹ پیناکی دیو محفوظ کرتے تھے۔ اس کام میں ان کی مدد پارتھ سارتھی نامی ایک اور شخص کرتا تھا۔ دونوں کو پولیس نے حراست میں لے کر پوچھ گچھ کی ہے۔ انہیں سے دو لیپ ٹاپ، متعدد پین ڈرائیوز اور ہارڈ ڈرائیوز ضبط کی گئی ہیں۔
پولیس ذرائع کے مطابق، کروڑوں روپے کے لین دین کا حساب اکاو¿نٹنٹس کی اپنی مختصر زبان، علامتی علامات اور خاص اکاو¿نٹنگ طریقہ کار میں لکھا گیا تھا۔ اس وجہ سے ڈیٹا تو نکال لیا گیا، لیکن اس کے حقیقی معنی سمجھنا اور ہر لین دین کے ماخذ اور منزل کی درست نشاندہی کرنا آسان نہیں تھا۔ اس کے بعد تفتیش کی ذمہ داری بولپور کے ایس ڈی پی او ارپیت آر پاریکھ کو سونپی گئی۔ بتایا جاتا ہے کہ آئی پی ایس بننے سے پہلے انہوں نے چارٹرڈ اکاو¿نٹنٹ کے طور پر کام کیا تھا۔ اسی تجربے کو استعمال کرتے ہوئے وہ اس وقت اکاو¿نٹنٹس کے استعمال کردہ علامتی زبان کا تجزیہ کر رہے ہیں، کروڑوں روپے کے حسابات کو ملا کر تفتیش کے لیے موزوں شکل میں ترتیب دے رہے ہیں، اور ٹیلی اور ایکسل شیٹس پر مکمل مالی لین دین کی فہرست تیار کر رہے ہیں۔

Source: Admin