کلکتہ : بنگال میں آج سے موسم بدل جائے گا۔ چار سے چھ اضلاع میں ہیٹ ویو کی صورتحال ہے۔ ہفتہ تک درجہ حرارت تین سے پانچ ڈگری سینٹی گریڈ تک بڑھ جائے گا۔ علی پور محکمہ موسمیات کی یہ پیشین گوئی ہے۔ اگرچہ شمالی بنگال کے بالائی اضلاع میں بارش ہوگی، لیکن مالدہ، شمالی اور جنوبی دیناج پور اضلاع میں موسم گرم رہے گا۔ مالدہ میں ہفتہ اور اتوار کو ہیٹ ویو کے حالات پیدا ہوں گے۔ ادھر محکمہ موسمیات نے مون سون کی جلد آمد کی پیش گوئی کی ہے۔محکمہ موسمیات کے مطابق جمعہ سے شروع ہونے والے اگلے تین دنوں میں درجہ حرارت میں تین سے پانچ ڈگری سینٹی گریڈ تک اضافے کا امکان ہے۔ پرولیا،بانکوڑہ ، مغربی مدنا پور، مغربی بردوان اور بیر بھوم میں ہیٹ ویوز کی پیش گوئی کی گئی ہے۔ ہفتہ اور اتوار کو گرمی کی لہر کی وارننگ جاری کی گئی ہے۔ مغربی اضلاع میں درجہ حرارت 40 سے 42 ڈگری تک پہنچ سکتا ہے۔ کلکتہ میں بھی درجہ حرارت آہستہ آہستہ بڑھے گا۔ گرج چمک کے ساتھ طوفان کا عملی طور پر کوئی امکان نہیں ہے۔ شہر میں آج کم سے کم درجہ حرارت 27 ڈگری سینٹی گریڈ رہا۔ گزشتہ روز زیادہ سے زیادہ درجہ حرارت 36 ڈگری رہا۔ کلکتہ میں اگلے چند دنوں میں درجہ حرارت 38 سے 40 ڈگری تک پہنچ سکتا ہے

Source: social Media