کلکتہ : ہندستان اور بنگلہ دیش دونوں کے پاسپورٹ بیک وقت رکھتا ہے ۔ مبینہ طور پر ایک بنگلہ دیشی خاندان بنگلہ دیشی پاسپورٹ کے سات کلکتہ آیا تھا اور یہاں ٹھہرا تھا۔ کلکتہ پولیس کے سیکورٹی کنٹرول نے گڑیاپولیس اسٹیشن میں 'مودی' کنیت والے خاندان کے چار افراد کے خلاف شکایت درج کرائی ہے۔پولیس نے بتایا کہ چار ملزمان کی شناخت وجے مودی، ان کے بیٹے آشیش مودی، دلیپ مودی اور ان کی ماں کوشلیا مودی کے طور پر کی گئی ہے۔ بنگلہ دیشی خاندان سارک ویزا لے کر بنگلہ دیش سے کلکتہ آیا تھا۔ بنگلہ دیش میں ان کے رشتہ دار بھی ہیں۔ کلکتہ پہنچنے کے بعد وہ پام ایونیو پر رہنے لگے۔ اس پتے پر، ملزمان نے فرضی آدھار کارڈ اور ووٹر کارڈ جمع کیے تھے۔بنگلہ دیشی پاسپورٹ ہونے کے باوجود انہوں نے وہ دستاویز دکھا کر ہندستانی پاسپورٹ حاصل کیا اور اس ملک کی جعلی شہریت حاصل کی۔ حال ہی میں، سارک ویزوں کی چھان بین کے دوران، ایس سی او کے جاسوسوں کو معلوم ہوا کہ مودی خاندان کے افراد اپنے ویزوں کی میعاد ختم ہونے کے بعد بھی ملک واپس نہیں آئے ہیں۔ کچھ ہی دیر بعد، وہ پام ایونیو پر پائے گئے۔ انہیں طلب کر کے پوچھ گچھ کی جا رہی ہے۔ آخرکار ان کے خلاف قانونی کارروائی ہو سکتی ہے

Source: social media