Kolkata

شوبھندو ادھیکاری نے ایک بار پھر مہاراج کا پاﺅں چھو کر آشیرواد لیا

29/07/26

شوبھندو ادھیکاری نے ایک بار پھر مہاراج کا پاﺅں چھو کر آشیرواد لیا گرو پورنیما کی صبح دوبارہ بیلوڑ مٹھ میں وزیراعلیٰ شوبھیندو ادھیکاری۔ پہنچتے ہی وہ مشن کے مرکزی دفتر گئے۔ اس کے بعد رام کرشن مٹھ اور مشن کے صدر مہاراج گوتمانند جی کے کمرے میں جا کر پاو¿ں چھو کر انہیں پرنام کیا۔ کمَل کی مالا اور ماں کالی کا مجسمہ تحفے میں دیا۔ کافی دیر تک ریاست کی ترقی پر ان کے درمیان گفتگو ہوئی۔ اس کے بعد وزیراعلیٰ مٹھ کے احاطے کا دورہ کیا۔ آج گرو پورنیما ہے۔ قدرتی طور پر آج صبح سے بیلوڑ میں عقیدت مندوں کی تعداد قابلِ دید تھی۔ گیارہ بجے کے قریب وزیراعلیٰ شوبھیندو ادھیکاری بیلوڑ پہنچے۔ وزیراعلیٰ کو دیکھ کر بہت سے لوگ آگے بڑھے۔ چلتے چلتے ان سے بات کرتے ہوئے وزیراعلیٰ مشن کے مرکزی دفتر پہنچے۔ اس کے بعد رام کرشن مٹھ اور مشن کے صدر مہاراج گوتمانند جی کے کمرے میں گئے۔ سب سے پہلے سجدہ (ششٹانگ) کر کے انہیں پرنام کیا۔ اس کے بعد کمَل کی مالا اور ماں کالی کا مجسمہ تحفے میں دیا۔ پھر دوسرے مہاراجوں کو بھی پرنام کیا اور تحفے دیے۔ معلوم ہوا کہ آج شوبھیندو نے ریاست کی ترقی پر مہاراجوں سے دیر تک گفتگو کی۔ وزیراعظم نریندر مودی کا رام کرشن مشن سے تعلق دیرینہ ہے، ان کے بچپن سے۔ جب وہ کولکاتا آتے ہیں تو وقت نکال کر بیلوڑ مٹھ کا دورہ کرتے ہیں۔ سادھوو¿ں سے لے کر صدر مہاراجوں تک کی دعائیں لیتے ہیں۔ بی جے پی کی ریاست میں حکومت آنے کے بعد بنگال کے وزیراعلیٰ شوبھیندو ادھیکاری نے مودی کے دکھائے راستے پر چلتے ہوئے بیلوڑ مٹھ کا دورہ کیا تھا۔ دو ماہ کے وقفے کے بعد آج دوبارہ وزیراعلیٰ بیلوڑ میں ہیں۔

Source: Admin