Kolkata

ترنمول کے سابق رہنمااور موجودہ آئی ایس ایف رہنما گرفتار

29/07/26

ترنمول کے سابق رہنمااور موجودہ آئی ایس ایف رہنما گرفتار بین الاقوامی منشیات اسمگلنگ گینگ سے تعلق تھا ! نادیہ میں گرفتار قتل کے مقدمے میں ملزم سابق ترنمول کانگریس علاقائی صدر اور موجودہ آئی ایس ایف لیڈر۔ انہیں کرشنا نگر کوتوالی تھانے کی پولیس نے گرفتار کیا ہے۔ بدھ کو نارکوٹک ڈرگز اینڈ سائیکوٹروپک سبسٹنسز ایکٹ کے تحت گرفتاری عمل میں آئی۔ آج انہیں عدالت میں پیش کر کے پولیس نے ریمانڈ کی درخواست کی ہے۔ گرفتار لیڈر کا نام محیدل اسلام دفادر ہے۔ وہ ہاتیشالا-۲ علاقے کے سابق ترنمول کانگریس صدر اور موجودہ آئی ایس ایف لیڈر ہیں۔ اسمبلی انتخابات سے قبل انہوں نے ترنمول کانگریس چھوڑ کر آئی ایس ایف میں شمولیت اختیار کی تھی۔ گزشتہ اتوار کو کرشنا نگر کے گھورنی گوڈاو¿ن موڑ علاقے میں لکڑیوں سے لدی ایک مال بردار گاڑی کی تلاشی کے دوران بڑی مقدار میں ممنوع کھانسی کا شربت برآمد کیا گیا تھا۔ اس واقعے میں تین افراد کو گرفتار کیا گیا تھا۔ گرفتار ملزمان سے تفتیش کے دوران ہی بین الاقوامی منشیات سمگلنگ گینگ کا سراغ ملا۔

Source: Admin