بارش سے ابھی نجات نہیں! جنوبی بنگال کے 3 اضلاع میں بھاری بارش، شمال میں بھی موسم خراب
بارش سے ابھی نجات نہیں ملے گی۔ علی پور محکمہ موسمیات نے ایسا ہی پیش گوئی کی ہے۔ خلیج بنگال میں پیدا ہونے والے کم دباو¿ کے نظام کی وجہ سے پیر اور منگل کو کولکاتا سمیت جنوبی بنگال کے تقریباً تمام اضلاع میں درمیانی سے بھاری بارش ہوئی۔ بدھ سے بارش کی شدت کم ہوئی، لیکن مکمل نجات کا کوئی امکان نہیں۔ کولکاتا میں بھی بدھ کی صبح سے آسمان ابر آلود ہے۔ محکمہ موسمیات نے بتایا کہ کولکاتا میں ہلکی سے درمیانی بارش ہوگی۔
محکمہ موسمیات کے بلیٹن کے مطابق، بدھ کو کولکاتا سمیت جنوبی بنگال کے تمام اضلاع میں بارش کے لیے یلو (پیلی) وارننگ جاری کی گئی ہے۔ ساتھ ہی 30-40 کلومیٹر فی گھنٹہ کی رفتار سے تیز ہوائیں بھی چلیں گی۔ تاہم انتہائی بھاری بارش کی پیش گوئی نہیں ہے۔ کچھ اضلاع میں درمیانی سے بھاری بارش ہو سکتی ہے۔ جمعرات سے صورتحال میں مزید بہتری آئے گی۔ تاہم 8 ستمبر تک جنوبی اضلاع میں چھٹ پھٹ بارش ہوتی رہے گی۔ بدھ کو جنوبی بنگال کے تین اضلاع میں بھاری بارش کی وارننگ دی گئی ہے۔