کولکاتا21مئی : ریاستی حکومت نے کالجوں اور یونیورسٹیوں میں انڈر گریجویٹ داخلوں کی پیچیدگیوں کو ختم کرنے کے لیے سرگرمیاں شروع کر دی ہیں۔ اس سلسلے میں ریاست کے ایڈوکیٹ جنرل سے مشاورت کی جارہی ہے۔ اس کے ساتھ ہی ریاست کے پسماندہ طبقات کی بہبود اور ترقی کے محکمے سے بھی حل طلب کیا جا رہا ہے۔ محکمہ اعلیٰ تعلیم، پسماندہ طبقات کی بہبود کے محکمے اور محکمہ قانون نے مل کر کام کرنا شروع کر دیا ہے تاکہ اس بات کو یقینی بنایا جا سکے کہ ریاست کے کالجوں اور یونیورسٹیوں میں انڈرگریجویٹ داخلوں میں کوئی دشواری نہ ہو اور داخلہ کے عمل کو متبادل طریقوں سے ہموار کیا جا سکے۔ دریں اثنا، انڈر گریجویٹ داخلوں کے لیے مشترکہ پورٹل 21 مئی بروز بدھ سے کھلنا تھا۔ محکمہ اعلیٰ تعلیم کے ذرائع کے مطابق یہ پورٹل چند روز میں کھول دیا جائے گا۔ اپوزیشن کے مقدمہ کے تناظر میں او بی سی ریزرویشن کو لے کر پیچیدگیاں پیدا ہو گئیں۔ وہ کیس سپریم کورٹ میں زیر سماعت ہے۔ جس طرح ریاستی حکومت نے اس پیچیدگی کو دور کرنے کے لیے قدم اٹھایا ہے، اسی طرح ریاست کی کچھ یونیورسٹیاں اپنا قانونی مشورہ لے رہی ہیں۔ جس طرح کلکتہ یونیورسٹی قانونی مشورہ لے رہی ہے، اسی طرح جادو پور یونیورسٹی نے بھی قانونی طریقوں کا سہارا لیا ہے۔ ہائیر ایجوکیشن ڈپارٹمنٹ کے ایک اہلکار نے کہا، ریاست کے ایڈوکیٹ جنرل کے ذریعے سپریم کورٹ سے رجوع کر کے متبادل انتظامات کیے جا سکتے ہیں۔ صرف وکلائ اور عدالت ہی وہ متبادل انتظام فراہم کر سکتے ہیں۔ پسماندہ طبقات کی بہبود کے محکمے کے قانونی محکمے سے بھی مشورہ لیا جا رہا ہے۔ امید ہے کہ جلد ہی کوئی حل نکال لیا جائے گا۔

Source: Mashriq News service