ایک ماں پر اپنے آٹھ سالہ بیٹے کو گلا دبا کر قتل کرنے کا الزام ہے۔ اپنے بیٹے کی موت کے بعد تنوجا منڈل نامی خاتون نے خود کو تھانے کے حوالے کر دیا۔ اس نے وہاں اپنے بچے کو قتل کرنے کا دعویٰ کیا۔ ملزم تنوجا کو پولیس نے گرفتار کر لیا ہے۔ اسے اتوار کو باروئی پور سب ڈویڑنل عدالت میں پیش کیا جائے گا۔ بچے کی لاش کو پوسٹ مارٹم کے لیے بھیج دیا گیا ہے۔تنوجا نریندر پور تھانہ علاقے کے تحت کھیڑا کے مو لہاٹی کی رہنے والی ہے۔ ان کے شوہر پرسن جیت منڈل مچھلی کے کاروبار سے وابستہ ہیں۔ ان کے دو بیٹے ہیں۔ تنوجا کے چھوٹے بیٹے کا دو سال قبل انتقال ہو گیا تھا۔ اس وقت ان کی عمر ڈیڑھ سال تھی۔ مقامی لوگوں کا دعویٰ ہے کہ اسے بھی تنوجا نے قتل کیا تھا۔ بڑا بیٹا دیوجیت منڈل مقامی پرائمری اسکول میں تیسری جماعت میں پڑھتا تھا۔

Source: akhbarmashriq