دورگاپور کے ہاسٹل میں میڈیکل کے طالب علم کی لاش پھانسی پر ملی! ڈاکٹری پڑھنے بہار سے مغربی بنگال آئے تھے
مغربی بردوان کے دورگاپور میں میڈیکل کالج ہسپتال کے ہاسٹل سے میڈیکل کے طالب علم کی لاش پھانسی پر ملی۔ وہ بہار سے ڈاکٹری پڑھنے مغربی بنگال آئے تھے۔ ابتدائی طور پر خیال کیا جا رہا ہے کہ نوجوان نے خودکشی کی ہے۔ تاہم پولیس نے اس کی لاش پوسٹ مارٹم کے لیے بھیج دی ہے۔ رپورٹ آنے کے بعد موت کی وجہ معلوم ہو سکے گی۔ پولیس کو ابھی تک کوئی خودکشی کا خط نہیں ملا ہے۔
دورگاپور کے کانکسر کے راج باندھ میڈیکل کالج میں پہلے سال کا طالب علم ابھیشیک کمار (20) تھا۔ وہ بہار کے سیتامڑی علاقے کا رہائشی تھا۔ وہ اسی کالج کے ہاسٹل میں رہتا تھا۔ اس کے ساتھ ایک ہی کمرے میں اس کا ایک ساتھی طالب علم بھی رہتا تھا۔ پولیس ذرائع کے مطابق ساتھی طالب علم نماز پڑھنے گیا تھا۔ واپس آ کر دیکھا تو کمرہ بند تھا۔ بہت دیر تک آوازیں دینے کے باوجود نوجوان کی طرف سے کوئی جواب نہیں آیا۔ اس کے بعد اس نے کالج اور ہاسٹل انتظامیہ کو اطلاع دی۔ دروازہ توڑ کر اندر داخل ہوئے تو نوجوان کو پھانسی پر لٹکتا دیکھا گیا۔
فوری طور پر اس طالب علم کو میڈیکل کالج ہسپتال لے جایا گیا، لیکن ڈاکٹروں نے اسے مردہ قرار دے دیا۔ ہاسٹل انتظامیہ نے بہار میں اس کے اہل خانہ کو اطلاع دے دی ہے۔ اگر اس نے خودکشی کی ہے تو اس نے یہ فیصلہ کیوں کیا، یہ ابھی تک واضح نہیں ہے۔ پولیس اس معاملے کی تحقیقات کر رہی ہے۔ ہاسٹل کے اس کمرے کی تلاشی لی گئی ہے۔ ساتھی طالب علموں سے بھی پوچھ گچھ کی جا رہی ہے۔ یہ جانچ کی جا رہی ہے کہ کیا نوجوان کسی وجہ سے ذہنی دباو¿ کا شکار تھا، یا اس پر کوئی دباو¿ تھا۔
دورگاپور میڈیکل کالج کے اسسٹنٹ جنرل منیجر شبھنکر بھٹاچاریہ نے کہا، "ہاسٹل کے ایک کمرے میں یہ طالب علم اور اس کا ایک ساتھی رہتے تھے۔ ایک نماز پڑھنے گیا تھا۔ واپس آ کر آوازیں دینے پر کوئی جواب نہیں ملا۔ سامنے امتحان ہیں، اس وجہ سے کوئی ذہنی دباو¿ ہو سکتا ہے۔ موت کی کیا وجہ ہے، ابھی تک معلوم نہیں ہو سکا۔