Kolkata

کانچرا پاڑہ میں نالی سے مہلک اسلحہ برآمد

05/08/26

کانچرا پاڑہ میں نالی سے مہلک اسلحہ برآمد
تالاب کے بعد اب نالی سے اسلحہ برآمد ہوا۔ کانچرا پاڑہ پولیس کی کارروائی کو کامیابی ملی۔ اس واقعے میں پولیس نے ایک ملزم کو گرفتار کیا۔ معلوم ہوا ہے کہ نالی میں ایک نایلان کے بیگ میں آتشیں اسلحہ رکھا تھا۔ گرفتار ملزم سے پوچھ گچھ کر کے اس واقعے میں مزید کون کون ملوث ہے، اس کا پتہ لگانے کی کوشش کر رہی ہے پولیس۔ ریاست میں مختلف جگہوں سے بڑی تعداد میں آتشیں اسلحہ برآمد ہونے کے واقعات سامنے آ رہے ہیں۔ یہ اسلحہ بنگال میں کہاں سے آ رہا ہے، اس سلسلے میں پولیس نے تحقیقات شروع کر دی ہیں۔

اسلحہ برآمدی کے واقعے میں گرفتار ملزم کا نام جگن ناتھ داس عرف نانو ہے۔ ایک پرانے آتشیں اسلحہ مقدمے کی تحقیقات بیج پور تھانے کی پولیس کر رہی تھی۔ اس مقدمے میں گرفتار اجئے کمار مالک سے پوچھ گچھ کر کے تفتیش کاروں کو جگن ناتھ کے بارے میں معلوم ہوا۔ اجئے نے بتایا کہ اس نے جگن ناتھ کے پاس اسلحہ جمع کروایا تھا۔ اس کے بعد منگل کو کانچرا پاڑہ میں پولیس نے کارروائی کی۔ علاقے کی ایک نالی سے نایلان کے بیگ سے چار آتشیں اسلحہ برآمد کیا گیا۔ ان میں ایک 9 ایم ایم پستول، ایک ریوالور، دو پائپ گن اور کئی راو¿نڈ گولیاں شامل ہیں جنہیں پولیس نے ضبط کر لیا۔

Source: Admin