Kolkata

میونسپل کارپوریشن کے چناﺅ کے پیش نظر پردیش کانگریس نے مشن بوتھ کا ہدف لیا

05/08/26

میونسپل کارپوریشن کے چناﺅ کے پیش نظر پردیش کانگریس نے مشن بوتھ کا ہدف لیا
پورے سال بعد میونسپل کارپوریشن کے انتخابات ہیں۔ اس کی تیاری کو مدنظر رکھتے ہوئے پردیش کانگریس نے 'مشن بوتھ' کا ہدف لیا ہے۔ اس کے لیے اب آبزرویر کی جگہ 'انچارج' کے عہدے کی اہم ذمہ داری لیڈروں اور کارکنوں کو سونپی گئی ہے۔ آبزرویر اب تک ضلع در ضلع جا کر علاقے یا بلاک کی بنیاد پر رپورٹس پردیش میں جمع کراتے تھے، جس کی بنیاد پر فیصلے ہوتے تھے۔ لیکن اب بوتھ کی بنیاد پر تنظیم کو سجانے کے لیے آبزرویرز کو انچارج بنانے کا فیصلہ کیا گیا ہے۔ یہ انچارج ضلع سے لے کر بوتھ تک مختلف سطحوں پر کام کریں گے۔
کانگریس کے ریاستی مبصر پرکاش جوشی نے پردیش صدر شوبھنکر سرکار کے ساتھ دو روزہ مسلسل میٹنگوں میں ضلعی صدور کو واضح کر دیا ہے کہ آبزرویر بن کر صرف بیٹھے بیٹھے دیکھنا نہیں، بلکہ انچارج بن کر ذمہ داری سونپ کر کام کرنا ہوگا۔ سال میں کبھی کبھار جا کر آبزرو کرنے کے بجائے ہر مہینے ضلع میں جانا ہوگا۔ لوک سبھا اور یہاں تک کہ اسمبلی کی بنیاد پر ہونے والی میٹنگوں میں بھی انچارج ذمہ داری لے کر کام کریں گے۔

Source: Admin