کرنی سینا کے سربراہ سکھدیو سنگھ کا قتل

جے پور۔ ہندو بنےا دپرست تنظےم راشٹریہ راجپوت کرنی سینا کے قومی صدر سکھدیو سنگھ گوگامیڈی کو منگل کی صبح راجستھان کے دارالحکومت جے پور میں گولی مار کر ہلاک کر دیا گیا۔ اسکوٹر پر آئے دو بدمعاشوں نے سکھ دیو سنگھ گوگا سے ملنے کے بہانے بات کی۔ تقریباً 10 منٹ تک بات چیت کے بعد دونوں بدمعاشوں نے فائرنگ شروع کردی۔اس کے قتل کے بعد جے پور میں کہرام مچ گیا ہے۔ سکھ دیو سنگھ کی رہائش گاہ پر پولیس کی بھاری نفری تعینات ہے۔ معلومات کے مطابق انہیں چار گولیاں ماری گئیں۔ قتل کا واقعہ سی سی ٹی وی فوٹیج میں قید ہوگیا۔فوٹیج کے مطابق، دونوں قاتل سکھ دیو سنگھ گوگا اور کچھ لوگ ایک دوسرے سے بات کرتے ہوئے نظر آ رہے ہیں۔ اچانک دو حملہ آوروں نے گولیاں برسانا شروع کر دیں۔ صوفے پر بیٹھے سکھ دیو سنگھ کو فرار ہونے کا کوئی موقع نہیں ملا اور اس کے جسم پر تقریباً چار گولیاں لگیں۔ویڈیو میں دیکھا جا سکتا ہے کہ ان کے سکیورٹی گارڈ کو بھی گولی ماری گئی ہے۔ فائرنگ کے بعد دونوں ملزمان فرار ہوگئے۔ گولی لگنے کے بعد سکھدیو سنگھ گوگامیڈی کو میٹرو ماس ہسپتال لے جایا گیا، جہاں انہیں مردہ قرار دے دیا گیا۔ راجپوت برادری کے لوگ سکھ دیو سنگھ کے قتل پر جے پور کے ایک اسپتال کے باہر احتجاج کر رہے ہیں۔ اس واقعے کی مزید تفصیلات بتاتے ہوئے جے پور کے پولیس کمشنر بیجو جارج جوزف نے کہا، "تین لوگ ان کی رہائش گاہ پر آئے اور کہا کہ وہ سکھدیو سنگھ سے ملنا چاہتے ہیں، وہ اندر داخل ہوئے، تقریباً 10 منٹ تک ان سے بات کی اور پھر سکھدیو سنگھ پر گولیاں داغ دی ۔ گولی چلائی اور وہ موقع پر ہی جاں بحق ہو گیا، اس کا سکیورٹی گارڈ ہلاک ہو گیا۔ مزید معلومات دیتے ہوئے پولس کمشنر بیجو جارج جوزف نے کہا، "فائرنگ میں تین حملہ آوروں میں سے ایک کو گولی لگی اور وہ بھی مارا گیا، یہ واقعہ سی سی ٹی وی میں قید ہو گیا ہے، ان کا مزید کہنا تھا کہ ہم ملزم کو جلد سے جلد گرفتار کر لیں گے۔

Source: Social Media