سات اضلاع میں بھاری بارش کی پیش گوئی، کلکتہ میںبھی بارش کا امکان
خلیج بنگال میں نیا بننے والا نچلا دباو¿ کا علاقہ آہستہ آہستہ مغرب کی طرف بڑھ رہا ہے۔ اس کے اثر سے جنوبی بنگال میں مزید چند دن بارش جاری رہے گی۔ کلکتہ بھی بھیگ سکتا ہے۔ اس کے ساتھ شمالی بنگال میں شدید بارش کا امکان ہے۔ نچلے دباو¿ کے علاقے کے اثر سے سمندر فی الحال متلاطم ہے۔ ساحل کے قریب تیز ہوائیں چل رہی ہیں۔
علی پور محکمہ موسمیات نے بتایا کہ شمال مغربی خلیج بنگال پر موجود نچلے دباو¿ کے علاقے کی طاقت بڑھ گئی ہے۔ یہ مزید واضح ہو گیا ہے۔ دباو¿ سے منسلک گردش سمندر کی سطح سے ۷.۶ کلومیٹر تک پھیلی ہوئی ہے۔ سوموار تک نچلا دباو¿ کا علاقہ مزید مغرب-شمال مغرب کی طرف بڑھے گا۔ اس کے علاوہ مون سون کی محوری لکیر بھی فعال ہے۔ پنجاب، ہریانہ، اتر پردیش، بہار سے ہوتی ہوئی یہ مغربی بنگال میں داخل ہوئی ہے۔ بنکاڑا سے جنوب کی طرف مڑ کر یہ محوری لکیر خلیج بنگال تک پھیلی ہوئی ہے۔ اس کے اثر سے چند روز تک بکھری ہوئی بارش جاری رہ سکتی ہے۔